Tim Southee Retirement: స్టార్ న్యూజిలాండ్ పేసర్, మాజీ టెస్ట్ కెప్టెన్ టిమ్ సౌతీ సంచలన నిర్ణయం తీసుకున్నాడు. తన అంతర్జాతీయ టెస్ట్ క్రికెట్ కు రిటైర్మెంట్ ఇచ్చాడు స్టార్ న్యూజిలాండ్ పేసర్, మాజీ టెస్ట్ కెప్టెన్ టిమ్ సౌతీ. న్యూజిలాండ్ గడ్డపై ఇంగ్లాండ్‌తో జరగనున్న మూడు మ్యాచ్‌ల టెస్ట్ సిరీస్ ముగింపులో టెస్ట్ క్రికెట్ నుండి రిటైర్ కానున్నాడు సౌథీ.
అయితే, WTC 2025 ఫైనల్‌కు న్యూజిలాండ్ జట్టు అర్హత సాధించగలిగితే వచ్చే ఏడాది జూన్‌లో లార్డ్స్‌లో జరిగే మ్యాచ్‌ ఆడతాడు. ఆ మ్యాచ్‌ తర్వాత అంతర్జాతీయ టెస్ట్ క్రికెట్ కు రిటైర్మెంట్ ప్రకటించనున్నాడు. కాగా అన్ని ఫార్మాట్లలో అత్యుత్తమ 770 వికెట్లతో న్యూజిలాండ్ బౌలర్‌ సౌథీ రికార్డుల్లోకి ఎక్కాడు. టెస్ట్‌లలో, అతను 104 మ్యాచ్‌లలో 385 వికెట్లు తీశాడు. దీంతో దిగ్గజ ఆటగాడు రిచర్డ్ హ్యాడ్లీ తర్వాతి బౌలర్‌గా నిలిచాడు సౌథీ.
