ట్విటర్ను హస్తగతం చేసుకున్న తర్వాత ఆ సంస్థలో పెను మార్పులు తీసుకొచ్చారు టెస్లా అధినేత ఎలాన్ మస్క్. ట్విటర్ లోగో నుంచి సంస్థ పేరును ఎక్స్గా మార్చడం వరకు చాలా మార్పులు చేశారు. కొత్త ఫీచర్లు రూపొందించడం.. పాత ఫీచర్లకు గుడ్ బై చెప్పడం కూడా చేశారు. ఇక తాజాగా మస్క్ తీసుకున్న ఓ నిర్ణయం మాత్రం యూజర్లను షాక్కు గురి చేసింది.
‘ఎక్స్’ ఫ్లాట్‌ఫాంలో అకౌంట్లను బ్లాక్‌ చేసే ఫీచర్కు స్వస్తి పలుకుతున్నట్లు మస్క్ ప్రకటించారు. ఆ ఆప్షన్‌ వల్ల ఎలాంటి ప్రయోజనం లేదని.. అందుకనే ఈ నిర్ణయం తీసుకున్నట్లు ఆయన సమర్థించుకున్నారు. భద్రతా పరమైన ఫీచర్లలో ముఖ్యమైన బ్లాక్‌ ఫీచర్‌ను తొలగించటంతో యూజర్లు మస్క్‌పై ఫైర్ అవుతున్నారు. దీంతో ఆన్‌లైన్‌ వేధింపులు పెరిగే అవకాశం ఉందని వాపోతున్నారు. ‘టెస్లా ఓనర్‌ సిలకాన్‌ వ్యాలీ’ పేరుతో ఉన్న ఓ యూజర్‌.. బ్లాక్‌ ఫీచర్ గురించి అడిగిన ప్రశ్నలకు ఎలాన్ మస్క్ ఈ విధంగా బదులిచ్చారు.
