ప్రముఖ సెల్ఫీ స్టార్ ఒప్పో కంపెనీ నుంచి కొత్త ఫోన్ చైనాలో లాంచ్‌ అయింది. అదే ఒప్పో కే10 విటాలిటీ ఎడిషన్. కే 10 సిరీస్‌లో భాగంగా లాంచ్‌ అయిన మూడో ఫోన్ ఇది. ఇప్పటికే ఒప్పో కే10 5జీ, ఒప్పో కే10 ప్రో 5జీ ఫోన్లు లాంచ్‌ అయ్యాయి. ఈ ఫోన్ విశేషాలు ఎలా ఉన్నాయంటే..
ఒప్పో కే10 విటాలిటీ ఎడిషన్ ధర..
ఒప్పో కే10 విటాలిటీ ఎడిషన్‌లో కేవలం ఒక్క వేరియంట్ మాత్రమే అందుబాటులో ఉంది.
12 జీబీ ర్యామ్ + 256 జీబీ స్టోరేజ్‌తో వచ్చిన ఈ వేరియంట్ ధరను 2,199 యువాన్లుగా అంటే రూ.25,900గా నిర్ణయించారు.
బ్లాక్, బ్లూ కలర్ ఆప్షన్లలో ఒప్పో కే10 విటాలిటీ ఎడిషన్ కొనుగోలు చేయవచ్చు.
ఒప్పో కే10 విటాలిటీ ఎడిషన్ స్పెసిఫికేషన్లు..
ఇందులో 6.59 అంగుళాల ఫుల్ హెచ్‌డీ+ ఎల్సీడీ డిస్‌ప్లేను అందించారు.
దీని స్క్రీన్ రిఫ్రెష్ రేట్ 120 హెర్ట్జ్‌గానూ, టచ్ శాంప్లింగ్ రేట్ 240 హెర్ట్జ్‌గానూ ఉంది.
క్వాల్‌కాం స్నాప్‌డ్రాగన్ 778జీ ప్రాసెసర్‌పై ఈ ఫోన్ పనిచేయనుంది.
12 జీబీ వరకు ఎల్పీడీడీఆర్4ఎక్స్ ర్యామ్, 256 జీబీ యూఎఫ్ఎస్ 3.1 ఇంటర్నల్ స్టోరేజ్ ఒప్పో కే10 విటాలిటీ ఎడిషన్‌లో ఉన్నాయి.
దీని బ్యాటరీ సామర్థ్యం 5000 ఎంఏహెచ్ కాగా, 30W ఫాస్ట్ చార్జింగ్‌ను ఈ ఫోన్ సపోర్ట్ చేయనుంది.
ఆండ్రాయిడ్ 12 ఆధారిత కలర్ఓఎస్ 12.1 ఆపరేటింగ్ సిస్టంపై ఈ ఫోన్ పనిచేయనుంది.
డ్యూయల్ సిమ్, 5జీ, వైఫై, బ్లూటూత్ వీ5.2, జీపీఎస్, ఎన్ఎఫ్‌సీ, యూఎస్‌బీ టైప్-సీ పోర్టు, 3.5 ఎంఎం హెడ్‌ఫోన్ జాక్ కూడా అందించారు.
ఇక కెమెరాల విషయానికి వస్తే…
ఈ ఫోన్ వెనకవైపు మూడు కెమెరాలు ఉన్నాయి. వీటిలో ప్రధాన కెమెరా సామర్థ్యం 64 మెగాపిక్సెల్ కాగా, దీంతోపాటు 8 మెగాపిక్సెల్ అల్ట్రా వైడ్ యాంగిల్ షూటర్, 2 మెగాపిక్సెల్ మాక్రో సెన్సార్ కూడా అందించారు. ఇక సెల్ఫీలు, వీడియో కాల్స్ కోసం ముందువైపు 16 మెగాపిక్సెల్ కెమెరా ఉంది. ఫింగర్ ప్రింట్ సెన్సార్‌ను ఫోన్ పక్కభాగంలో అందించారు.
-Triveni Buskarowthu
