రిపబ్లిక్ డే సందర్భంగా కేంద్ర ప్రభుత్వం పద్మ అవార్డులను ప్రకటించిన సంగతి తెలిసిందే.మెగాస్టార్ చిరంజీవికి భారతదేశ రెండో అత్యున్నత అవార్డు పద్మవిభూషణ్ ప్రకటించింది. ఒక కానిస్టేబుల్ కొడుకుగా తన సినీ ప్రయాణాన్ని మొదలుపెట్టిన మెగాస్టార్ చిరంజీవి సొంతంగా కష్టపడి 150కి పైగా సినిమాలలో నటించాడు. అంతేకాకుండా ఎన్నో సేవా కార్యక్రమాలతో ప్రజలకు సహాయము అందించాడు. పద్మ విభీషణ్ అవార్డు రావడంతో చిరంజీవికి సినీ ప్రముఖులు, రాజకీయ నాయకుల నుంచి అభినందనలు వెల్లువెత్తుతున్నాయి.
ఇదిలా ఉంటే…మెగాస్టార్ చిరంజీవిపై అభిమానాన్ని ఓ ఫ్యాన్ చాటుకున్నారు. ఇటీవల భారత ప్రభుత్వం పద్మవిభూషణ్ అవార్డు ప్రకటించడంతో.. అమెరికాలోని న్యూయార్క్ టైమ్స్ స్క్వేర్ పై చిరంజీవి ఫోటోను ప్రదర్శించి అభినందనలు తెలిపారు. దీనికి సంబంధించిన వీడియో సోషల్ మీడియాలో వైరల్ అవుతోంది. ఇది గర్వపడే క్షణమని, భారత సినిమా గేమ్ ఛేంజర్ మెగాస్టార్ అని అభిమానులు కామెంట్లు చేస్తున్నారు.
