ఏపీ విద్యార్థులకు బిగ్‌ అలర్ట్‌. నేటి నుంచి ఈఏపీసెట్ పరీక్షలు.. జరుగనున్నాయి. ఇంజనీరింగ్, ఫార్మసీ, అగ్రికల్చర్ కోర్సుల్లో ప్రవేశాలకు నిర్వహించే ఏపీ ఈఏపీసెట్-2023 కంప్యూటర్ బేస్డ్ ఎగ్జామ్స్ నేటి నుంచి ప్రారంభం కానున్నాయి.
నేటి నుంచి ఈ నెల 19 వరకు ఇంజనీరింగ్ విభాగం..22, 23 తేదీల్లో అగ్రి, ఫార్మసీ విభాగాల్లో పరీక్ష జరగనుంది. ఉదయం 9 నుంచి 12, మధ్యాహ్నం 3 నుంచి 6 గంటల వరకు ఎగ్జామ్స్ ఉంటాయని, నిమిషం ఆలస్యమైనా విద్యార్థులను అనుమతించమని అధికారులు స్పష్టం చేశారు. పరీక్షా సెంటర్‌ కు 30 నిమిషాల ముందే.. చేరుకోవాలని అధికారులు వెల్లడించారు. అలా కాకుండా లేట్‌ గా వస్తే… పరీక్షకు అనుమతి ఇవ్వబోమని హెచ్చరించారు అధికారులు.
