రేపు గుంటూరు జిల్లాలో సీఎం జగన్ పర్యటించనున్నారు. ఈ సందర్భంగా చుట్టుగుంటలో వైఎస్సార్ యంత్ర సేవ-2 కార్యక్రమంలో సీఎం జగన్ మోహన్‌ రెడ్డి పర్యటించనున్నారు. రైతులకు ట్రాక్టర్లు, హార్వెస్టర్లు పంపిణీ చేయనున్నారు ఏపీ సీఎం జగన్. ఇక అటు ఇవాళ వైఎస్సార్ రైతు భరోసా – పీఎం కిసాన్‌ నిధులు విడుదల చేయనున్నారు సీఎం జగన్.
ఇప్పటికే వరుసగా ఐదో ఏడాది.. ఈ ఏడాదికి మొదటి విడత ఆర్ధిక సాయం చేయనున్నారు. రైతులకు ఏటా 13,500 రూపాయల ఆర్ధిక సహాయం చేయనున్నారు. వరుసగా 4 ఏళ్ళు వైఎస్సార్ రైతు భరోసా – పీఎం కిసాన్‌ సాయం అందించిన వైఎస్‌ జగన్ ప్రభుత్వం… ఈ ఏడాది మొదటి విడతగా ఒక్కొక్కరికి రూ. 7,500 చొప్పున వైఎస్సార్ రైతు భరోసా అందించనున్నారు. ఆంధ్ర ప్రదేశ్‌ రాష్ట్ర వ్యాప్తంగా 52,30,939 మంది రైతులకు ప్రయోజనం చేకూరనుంది. రైతుల ఖాతాల్లో 3,923.21 కోట్ల నగదు జమ చేయనున్నారు ముఖ్యమంత్రి జగన్.
