మలయాళం ముద్దుగుమ్మ అనుపమ పరమేశ్వరన్ ప్రేమమ్ సినిమా ద్వారా తెలుగు తెరకు పరిచయమై మంచి పాపులారిటీని సొంతం చేసుకుంది. ఇక ఈ సినిమాతోనే తెలుగులో ఈమెకు వరుస అవకాశాలు వచ్చాయి. ఇకపోతే తాజాగా ఈమె నటించిన కార్తికేయ 2 చిత్రం కూడా విడుదలై మంచి ఆదరణ పొందుతోంది. ఈ ఒక్క సినిమాతోనే ఈమె కెరియర్ మారిపోయింది అంటున్నారు నెటిజన్స్. చందు మొండేటి దర్శకత్వంలో నిఖిల్ సిద్ధార్థ్ సరసన ఈ ముద్దుగుమ్మ నటించి మెప్పించింది. మంచి కంటెంట్ అండ్ విజువల్స్ తో ఈ సినిమా సూపర్ హిట్ దిశగా దూసుకు వెళ్తూ ఉండడం గమనార్హం.
ఇదిలా ఉండగా తాజాగా ఈ భామకు బంపర్ ఆఫర్ వచ్చినట్లు తెలుస్తోంది. ఇకపోతే నిన్నటి వరకు సస్పెన్షన్ లోనే ఉంచిన ఈ విషయాన్ని ఈరోజు అధికారికంగా ప్రకటించారు .అనుపమ బ్లాక్ బస్టర్ కామెడీ ఎంటర్టైన్మెంట్ చిత్రం డీజే టిల్లూ లో నటించడానికి సిద్ధంగా ఉంది. నేహా శెట్టి ప్లేస్ లో అనుపమ నటించబోతోందని సమాచారం .అంతేకాదు ఇప్పటికే అనుపమ ఈ సినిమా కోసం ఒప్పందంపై సైన్ చేసినట్లుగా తెలుస్తోంది . ఈ సినిమా డిజె టిల్లు సీక్వెల్ గా సిద్దు ఎంటర్టైన్మెంట్స్ బ్యానర్ పై సూర్యదేవర నాగ వంశీ నిర్మిస్తున్నారు. అంతేకాదు ఈ సినిమాకు సంబంధించి స్క్రిప్ట్ , డైలాగ్స్ అన్నీ కూడా సిద్దు జొన్నలగడ్డ రాస్తూ ఉండడం గమనార్హం. ఇక త్వరలోనే షూటింగ్ కూడా మొదలు కాబోతోంది.
ఇక అనుపమ పరమేశ్వరన్ కు తెలుగు తో పాటు తమిళ్, మలయాళం భాషల్లో కూడా మంచి పాపులారిటీ ఉంది. ఈ భామ వరుస విజయాలను సొంతం చేసుకోవాలని ప్రతి ఒక్కరు ఆశాభావం వ్యక్తం చేస్తున్నారు. ఇక తెలుగులో త్రివిక్రమ్ దర్శకత్వంలో వచ్చిన అ ఆ సినిమా ద్వారా మొదటిసారి నటించింది. ఇక డీజే టిల్లు సీక్వెల్ తో ఈమె ఎలాంటి విజయాన్ని అందుకుంటుందో.. ఆ తర్వాత ఈమె కెరియర్ ఎలాంటి ఊపు అందుకుంటుందో తెలియాల్సి ఉంది.
