బీజేపీ కార్య‌క‌ర్త‌ల‌పై టీఆర్ఎస్ కర్రలతో దాడి.. మల్లన్న సంచలన ట్వీట్

తెలంగాణ రాష్ట్రంలో అధికార టీఆర్ఎస్, బీజేపీ మ‌ధ్య వివాదాలు భ‌గ్గు మంటున్నాయి. లీడ‌ర్ల నుంచి కార్య‌క‌ర్తల వ‌ర‌కు మాట‌ల యుద్ధాలు సాగుతున్నాయి. అయితే తాజా గా ఈ మాటల యుద్ధాలు చేతులు, క‌ర్ర‌ల దాడి వ‌ర‌కు వెళ్లింది. తాజా గా తెలంగాణ‌లోని టీఆర్ఎస్ కార్య‌క‌ర్త‌లు బీజేపీ కార్యాక‌ర్తల‌పై క‌ర్ర‌ల‌తో దాడి చేస్తున్న ఒక వీడియో సోషల్ మీడియాలో వైరల్ అవుతుంది. ఈ వీడియోను బీజేపీ నాయ‌కులు తీన్మార్ మ‌ల్ల‌న్న త‌న ట్వీట్టర్ ఖాతా ద్వారా పంచుకున్నారు.

తెలంగాణ రాష్ట్ర స‌మ‌తి గుండాలు.. బీజేపీ కార్య‌క‌ర్త‌లపై దాడి చేస్తున్నారంటూ క్యాప్షన్ జ‌త చేశారు. అలాగే ఈ ట్వీట్ ను ప్ర‌ధాని మోడీకి, కేంద్ర హోం మంత్రి అమిత్ షాకు, బీజేపీ జాతీయ అధ్య‌క్షడు జేపీ న‌డ్డా తో పాటు తెలంగాణ రాష్ట్ర అధ్య‌క్షడు బండి సంజ‌య్ కు, ఎంపీ ధ‌ర్మ‌పూరి అర‌వింద్ కు ట్యాగ్ చేశారు. కాగ ఈ వీడియో ప్ర‌స్తుతం సోషల్ మీడియాలో వైర‌ల్ అవుతుంది. దీంతో బీజేపీ కార్య‌క‌ర్త‌లు, నాయ‌కులు టీఆర్ఎస్ పై విరుచుకుప‌డుతున్నారు. రాష్ట్రాన్ని ప‌శ్చిమ బెంగాల్ గా చేస్తున్నార‌ని విమ‌ర్శిస్తున్నారు. అయితే వీడియోలోని ఘ‌ట‌న జ‌న‌గామ‌లో జ‌రిగిన‌ట్టు తెలుస్తుంది.