అజిత్ కుమార్ & కార్తికేయ గుమ్మకొండల ‘వలిమై’ విడుదలైన ఒక రోజు తర్వాత పవర్ స్టార్ పవన్ కళ్యాణ్ నటించిన భీమ్లా నాయక్‌ సినిమా నిన్న విడుదలైన సంగతి తెలిసిందే. ఈ చిత్రం కేవలం USA లోనే 400+ స్క్రీన్‌లలో అలాగే… మిగిలిన ప్రాంతాలలో 4000+ స్క్రీన్‌లలో విడుదలైంది. ఇటీవలి మీడియా నివేదికల ప్రకారం, ఈ చిత్రం అన్ని జిఎస్‌టి రిటర్న్‌లతో సహా రూ. 108 కోట్ల ప్రీ-రిలీజ్ థియేట్రికల్ బిజినెస్ చేసిందని అంటే… విడుదలకు ముందే సూపర్ హిట్‌ అయినట్లు తెలుస్తోంది.
ఈ సినిమా కేవలం థియేట్రికల్ రన్‌లో దాదాపు 140 – 160 కోట్లు వసూలు చేస్తుందని అంచనా. ఇక విడుదలైన భీమ్లా నాయక్‌ సినిమా మొదటి రోజు దాదాపు రూ. 35-40 కోట్లు వసూలు చేయగా, ఓవర్సీస్ నుండి రూ. 50-55 కోట్లు వసూలు చేస్తుందని సమాచారం. అంతేకాకుండా, ఈ చిత్రాన్ని త్వరలో తెలుగు వెర్షన్‌తో పాటు హిందీలో కూడా విడుదల చేయడానికి మేకర్స్ ప్లాన్ చేసినట్లు సమాచారం. అంతేకాదు ఓటీటీ హక్కులు రూ.100 కోట్లకు అమ్ముడు పోయే అవకాశాలు ఉన్నట్లు సమాచారం.
