ఈ ప్రపంచంలో అంతుచిక్కని రహస్యాలు ఎన్నో ఉన్నాయి.. అన్ని ప్రశ్నలే కానీ.. సమాధానాలు మాత్రం కొన్నింటికే ఉన్నాయి.. ఇలా సమాధానాలు లేని ప్రశ్నలు.. మిస్టరీగా మిగిలిపోయాయి.. వాటి మీద పుకార్లు షికార్లు చేస్తాయి. ఇప్పుడు చెప్పుకోబోయేది కూడా అంతే.. ఇది నిజమా కాదా అనేది పక్కనపెడితే.. అసలు ఇంట్రస్టింగ్‌ ఫ్యాక్ట్‌ ఏంటంటే.. ఓ జీవికి 9 మెదళ్లు, 3 గుండెలు ఉంటాయని మీకు తెలుసా? అదేంటా అనుకుంటున్నారు.. మీకు బాగా తెలుసు.. అదే ఆక్టోపస్. ఈ జీవికి మూడు హృదయాలు, తొమ్మిది మెదడులు ఉన్నాయట…
ఆక్టోపస్‌లను గ్రహాంతర జీవులుగా లేదా మహాసముద్రాల భయంకరమైన చీకటి లోతుల్లో నివసించే చెడు జీవులుగా నానుడి ఉంది.. కానీ అది కూడా సాధరణమైన ఓ జీవి. ఆక్టోపస్‌కు మూడు హృదయాలు, తొమ్మిది మెదళ్ళు, నీలిరంగు రక్తం ఉంటుంది. ఈ జీవి రెండు హృదయాలు మొప్పల కోసం తయారై ఉంటాయి. రక్తాన్ని పంప్ చేయడానికి ఉపయోగిస్తాయి. ఇది కాకుండా మధ్యలో మూడో గుండె ఉంది. ఇది రక్తంలో ఆక్సిజన్ పొందిన తర్వాత, మొత్తం శరీరానికి సరఫరా చేస్తుంది. తద్వారా మిగిలిన అవయవాలు బాగా పని చేస్తాయి.
అయితే ఆక్టోపస్ 9 మెదడులను ఎలా ఉపయోగిస్తుంది?
వాస్తవానికి, దాని ఎనిమిది మెదడుల్లో ప్రతి ఒక్కటి చేయి కదలికలను నియంత్రించడంలో సహాయపడుతుంది. ఇతర కార్యకలాపాలకు కేంద్రంగా ఒకటి పని చేస్తుంది. కేంద్ర మెదడు నాడీ వ్యవస్థను నియంత్రిస్తుంది. ఎనిమిది చేతులలో ప్రతిదానిలో ఒక చిన్న మెదడు ఉంటుందట…ఇది చేతులు ఒకదానికొకటి స్వతంత్రంగా పని చేయడానికి అనుమతిస్తుంది. అయినప్పటికీ ఒకే లక్ష్యంతో కలిసి పని చేస్తుంది ఆక్టోపస్.
ఆక్టోపస్‌లు విషపూరిత సిరాను ఉత్పత్తి చేసే గ్రంథులను కలిగి ఉంటాయి. అవి పెద్ద సంచులలో నిల్వ ఉంటాయి. ఈ జవి అప్రమత్తమైనప్పుడు, అది ఒక దిశలో శక్తివంతమైన జెట్‌లో సిరాను చిమ్ముతుంట… అదే సమయంలో జంతువును వ్యతిరేక దిశలో నడిపిస్తుంది. పారిపోతున్నప్పుడు గందరగోళానికి గురిచేయడానికి నీటిని మబ్బు చేస్తుంది.
ఆక్టోపస్ గురించి మరో ఆసక్తికర విషయం ఏంటంటే..
తల్లి ఆక్టోపస్ లోతైన నీటి గుహలలో గుడ్లు పెట్టిన తర్వాత తమ ప్రాణాలను త్యాగం చేస్తుందట… గుడ్లతో ఏడు నెలల వరకు తినకుండా జీవిస్తాయి. ఆక్సిజన్ పోషకాలు అధికంగా ఉండే నీటి ప్రవాహాలు వాటిపైకి వచ్చేలా చూస్తాయి. తల్లులు సాధారణంగా తమ సంతానం కోసం పొదిగిన తర్వాత చనిపోతాయి.
