మూడు సాగు చట్టాల రద్దుపై కాంగ్రెస్ పార్టీ హర్షం వ్యక్తం చేసింది. కాంగ్రెస్ నాయకులు రాహుల్ గాంధీ, ప్రియాంక గాంధీలు దీన్ని రైతుల విజయంగా అభివర్ణించారు. ప్రజా ఉద్యమాలకు ఎవరైనా తలొగ్గాల్సిందే అంటూ ట్విట్టర్ లో పోస్టులు కూడా పెట్టారు. అయితే ఈ నిర్ణయాన్ని మరింత ముందుగా తీసుకుంటే అన్నదాతల ప్రాణాలు మిగిలేవని బీజేపీ తీరును కాంగ్రెస్ విమర్శించింది. బీజేపీ వల్లనే దాదాపు ఏడాది కాలంలో 700 మంది దాకా రైతులు మరణించారని విమర్శించింది.
ఇదిలా ఉంటే రేపు దేశవ్యాప్తంగా కాంగ్రెస్ ’ కిసాన్ విజయ్ దివాస్ ‘ కార్యక్రమానికి పిలుపు ఇచ్చింది. నల్ల చట్టాలకు వ్యతిరేఖంగా రైతుల చేసిన నిరసన, ధర్నాలకు మద్దతుగా, రైతుల పోరాటానికి గుర్తుగా రేపు దేశవ్యాప్తంగా కిసాన్ విజయ్ ర్యాలీలు, కిసాన్ విజయ సభలు నిర్వహించాలని రాష్ట్ర యూనిట్లను ఆదేశించింది.
