తాజాగా ప్రజలకు ఇండియన్ రైల్వే కేటరింగ్ అండ్ టూరిజం కార్పొరేషన్ (ఐఆర్‌సీటీసీ) ఓ హెచ్చరిక జారీ చేసింది. ఐఆర్‌సీటీసీ పేరిట వైరల్ అవుతున్న ఓ నకిలీ యాప్ విషయంలో అప్రమత్తంగా ఉండాలంటూ ఇండియన్ రైల్వే కేటరింగ్ అండ్ టూరిజం కార్పొరేషన్ (ఐఆర్‌సీటీసీ) ప్రజలకు హెచ్చరిక జారీ చేసింది. ఐఆర్‌సీటీసీకనెక్ట్ పేరిట ఈ యాప్‌కు సంబంధించిన ఏపీకే ఫైల్ వాట్సాప్, టెలిగ్రామ్‌లో చక్కర్లు కొడుతోందని తెలిపింది. ఈ యాప్‌ను ఇన్‌స్టాల్ చేసుకున్న వారి ఫోన్లు సైబర్ ప్రమాదాల బారిన పడే అవకాశం ఉందని హెచ్చరించింది.
ఈ యాప్ ద్వారా నేరగాళ్లు యూజర్ల వ్యక్తిగత సమాచారం, యూపీఐ, బ్యాంకింగ్ వివరాలను తస్కరించే అవకాశం ఉంది. ఐఆర్‌సీటీసీ అధికారులమని చెప్పుకుంటూ కొందరు ఈ యాప్ డౌన్‌లోడ్ చేసుకోవాలని యూజర్లపై ఒత్తిడి తెస్తున్న విషయం తమ దృష్టికి వచ్చినట్టు పేర్కొంది. కాబట్టి.. గూగుల్ ప్లే స్టోర్ లేదా యాపిల్ స్టోర్ నుంచి మాత్రమే ఐఆర్‌సీటీసీ యాప్ డౌన్‌లోడ్ చేసుకోవాలని పేర్కొన్నారు.
