SBI వినియోగదారులందరూ తమ ఆధార్ తో పాన్ లింక్ (aadhar pan card link) చేసుకోవాల్సిందే. ఈ మేరకు ఆఖరు తేదీ వచ్చేసింది. జూన్ 30వ తేదీలోపు ఆధార్ కార్డుకి పాన్ కార్డ్ లింక్ చేయాలి. లేదంటే భవిష్యత్తు బ్యాంకు లావాదేవీల్లో అసౌకర్యం ఉంటుంది. మునుపటిలా లావాదేవీలు జరపలేరు. ఈ మేరకు SBI బ్యాంక్, ట్విట్టర్ హ్యాండిల్ ద్వారా సమాచారాన్ని తెలియజేసింది. జూన్ 30వ తేదీలోఘా ఆధార్ కార్డుకి పాన్ కార్డ్ లింక్ చేసుకోవాలని లేదంటే లావాదేవీలు ఆగిపోతాయని తెలిపింది.
ఆధార్ కార్డుకి పాన్ కార్డ్ లింక్ చేయడానికి ఎక్కడి నుండైనా చేయవచ్చు. దానికంటే ముందు మీ బ్యాంకు అకౌంట్ కి ఆధార్ లింక్ అయిందా లేదా తెలుసుకోవాలి. అదెలాగో ఇక్కడ చూద్దాం.
Step 1: దానికోసం uidai.gov.in . సైట్ సందర్శించండి.
Step 2: Check Aadhaar/Bank Account Linking Statu పైన క్లిక్ చేయండి.
Step 3: మీ 12అంకెల ఆధార్ నంబర్ ఎంటర్ చేయండి.
Step 4: సెక్యూరిటీ కోడ్ ఎంటర్ చేసి ఓటీపీ పైన క్లిక్ చేయండి.
Step 5: ఇప్పుడు మీ మొబైల్ నంబరుకి ఓటీపీ వస్తుంది.
Step 6: ఆ ఓటీపీ నంబర్ ఎంటర్ చేసి క్లిక్ చేస్తే మీ ఆధార్ నంబరు, బ్యాంక్ అకౌంట్ తో లింక్ అయ్యిందా లేదా అనేది తెలిసిపోతుంది.
పాన్ కార్డుకి ఆధార్ లింక్ చేయాలంటే:
Step 1: incometaxindiaefiling.gov.in అనే సైటులోకి లాగిన్ అవ్వాలి.
Step 2: పాన్ నంబర్ యూజర్ ఐడి పెట్టుకుని రిజిస్టర్ అవ్వండి.
Step 3: యూజర్ ఐడి, పాస్వర్డ్ ఇంకా పుట్టిన తేదీ వివరాలు ఎంటర్ చేసి లాగిన్ అవ్వండి.
Step 4: ఇప్పుడు ఒక పాప్ అప్ విండో ఓపెన్ అవుతుంది. ఒకవేళ అది ఓపెన్ అవకపోతే ప్రొఫైల్ సెట్టింగ్స్ లోకి వెళ్ళి, మెనూ బార్ మీద క్లిక్ చేసే “లింక్ ఆధార్” అనే ఆప్షన్ కనిపిస్తుంది.
Step 5: పాన్ కార్డు ప్రకారం అన్ని వివరాలని అందించాలి.
Step 6: పాన్ వివరాలు, ఆధార్ వివరాలు చెక్ చేసుకోండి.
Step 7: రెండు వివరాలు ఒకేలా ఉంటే ఆధార్ నంబర్ ఎంటర్ చేసి లింక్ అన్న చోట క్లిక్ చేయాలి.
Step 8: పాన్ తో ఆధార్ లింక్ అయినట్టుగా పాప్ అప్ మెసేజ్ వస్తుంది. అంతే.
