బాలీవుడ్ పరిశ్రమ పై సూపర్ స్టార్ మహేష్ బాబు షాకింగ్ కామెంట్స్ చేశారు. సోమవారం జరిగిన మేజర్ మూవీ ట్రైలర్ లాంచ్ ఈవెంట్ లో మహేష్ కు బాలీవుడ్ ఎంట్రీ పై ప్రశ్న ఎదురైంది. ఈ సందర్భంగా ఆయన మాట్లాడుతూ బాలీవుడ్ అతని భరించలేదని, అక్కడ సినిమాలు చేసి టైం వేస్ట్ చేయను అంటూ ఆసక్తికరంగా సమాధానం ఇచ్చారు. సౌత్ సూపర్ స్టార్ అయిన మహేష్ బాబు బాలీవుడ్ ఎంట్రీ పై ఎప్పటినుంచో ఆసక్తి నెలకొంది. ఆయన హిందీలో ఓ సినిమా చేయాలని అటు నార్త్ తో పాటు సౌత్ ఫ్యాన్స్ కూడా కోరుకుంటున్నారు. ఈ క్రమంలో ఆయన తన హిందీ డెబ్యు పై చేసిన వ్యాఖ్యలు బాలీవుడ్ లో దుమారం రేపాయి.
దీంతో తన వ్యాఖ్యలపై మహేష్ వివరణ ఇచ్చారు. హిందీ పరిశ్రమ నుంచి నాకు ఆఫర్లు బాగానే వచ్చాయి.. కానీ నన్ను వారు భరించలేరు అని అనుకోవడం లేదు. నన్ను భరించలేని పరిశ్రమలో పని చేయటం టైం వేస్ట్ చేసుకోవడమే అవుతుంది. ఇక్కడ నాకు బాగానే ఆఫర్స్ వస్తున్నాయి. అంతేగాక టాలీవుడ్ నాకు మంచి గుర్తింపు, గౌరవం,స్టార్ డమ్ ఇచ్చింది. దీని పట్ల చాలా సంతోషంగా ఉన్నాను. జాతీయ స్థాయిలో తెలుగు సినిమాలు దూసుకెళుతూ ఉండటం ఆనందంగా ఉంది అన్నారు మహేష్ బాబు. రాజమౌళి తో తాను చేయబోయే సినిమా పాన్ ఇండియా సినిమా నే అంటూ వివరణ ఇచ్చారు మహేష్ బాబు.
