టాలీవుడ్ మోస్ట్ అవెయిట్ ఫిల్మ్ ‘ఆచార్య’ ఈ నెల 29న విడుదల కానుంది. ఈ క్రమంలోనే సినిమా ప్రమోషన్స్ లో పాల్గొంటున్నారు దర్శకులు, హీరోలు. మంగళవారం హైదరాబాద్ లో మీడియాతోనూ ‘ఆచార్య’ చిత్ర విశేషాలు పంచుకున్నారు. విలేకరులు అడిగిన ప్రశ్నలకు సమాధానాలిచ్చారు. చిరంజీవి, రామ్ చరణ్, కొరటాల శివ, పూజా హెగ్డే..మీడియాతో ముచ్చటించారు.
‘ఆచార్య’ నుంచి ఇప్పటికే సాంగ్స్ వీడియోస్, ట్రైలర్ రిలజ్ అయింది. కాగా, సోషల్ మీడియాలో వస్తున్న వార్తల ప్రకారం..దర్శకుడు కొరటాల శివ..మూవీ యూనిట్ సభ్యులతో కలిసి మరో ట్రైలర్ రిలీజ్ చేయాలని ఆలోచిస్తున్నట్లు సమాచారం. ఇటీవల విడుదలైన పవర్ స్టార్ పవన్ కల్యాణ్ ‘భీమ్లా నాయక్’ పిక్చర్ ట్రైలర్స్..ఒక దాని తర్వాత మరొకటి విడుదల చేశారు.
ఈ క్రమంలోనే ఈ నెల 29న సినిమా విడుదలకు ముందరే ఈ నెల 27న లేదా 28న మరో సాలిడ్ ట్రైలర్ రిలీజ్ చేయబోతున్నారని టాక్. అయితే, ఈ విషయమై ఎటువంటి అఫీషియల్ అనౌన్స్ మెంట్ రాలేదు. చూడాలి మరి.. మేకర్స్ మరో ట్రైలర్ రిలీజ్ చేస్తారో లేదో.. కొరటాల శివ దర్శకత్వంలో తెరకెక్కిన ఈ పిక్చర్ కు మ్యూజిక్ మెలోడీ బ్రహ్మ మణిశర్మ అందించారు. రామ్ చరణ్ ఈ సినిమాలో ‘సిద్ధ’ అనే ఫుల్ లెంగ్త్ రోల్ ప్లే చేశారు.
