మంత్రి జగదీష్ రెడ్డి నేతృత్వంలో మునుగోడు నియోజకవర్గముకు చెందిన కాంగ్రెస్ పార్టీకి చెందిన పలువురు టీఆర్ఎస్ పార్టీలో చేరారు. ఈ సందర్భంగా టీఆర్ఎస్ పార్టీలో చేరికైన వారికి గులాబీ కండువా కప్పి వారిని పార్టీలోకి ఆహ్వానించారు మంత్రి జగదీష్‌రెడ్డి. ఈ సందర్భంగా మంత్రి జగదీష్‌రెడ్డి మాట్లాడుతూ.. ఉమ్మడి నల్గొండ నుంచి ఫ్లోరోసిస్ ను కేసీఆర్ తరిమి వేశారన్నారు. 2018 తర్వాత మునుగోడు లో అభివృద్ధి కుంటుపడిందని, ఆ ఎమ్మెల్యే ఆరు నెలలకు కూడా ఒక్కసారి మునుగోడుకు వచ్చింది లేదంటూ విమర్శలు గుప్పించారు. కాంట్రాక్టులు, వ్యాపారాల్లో బిజీగా ఉండడడం వల్ల ఆ ఎమ్మెల్యేకు కల్యాణ లక్ష్మీ చెక్కులు ఇచ్చే తీరిక లేదంటూ మండిపడ్డారు జగదీష్ రెడ్డి.
అందుకే నేనే మునుగోడు కు రావాల్సి వచ్చింది …కల్యాణ లక్ష్మీ చెక్కులు పంచాల్సి వచ్చిందని ఆయన స్పష్టం చేశారు. నోరు ఇంత పెద్దగా చేసుకుని…నోటికొచ్చిన అబద్ధాలు ఆడుతూ ప్రజలను మోసం చేస్తున్నాడు ఆ ఎమ్మెల్యే అంటూ ఆగ్రహం వ్యక్తం చేశారు జగదీష్ రెడ్డి. మునుగోడులో మన అంతర్గత పొరపాట్ల వల్ల ఆ నియోజకవర్గ మును పోగొట్టుకున్నామని ఆయన అన్నారు. ఉన్న పార్టీ నాయకులనే దూషించి …అవతలి పార్టీని పొగిడే ఆ ఎమ్మెల్యే దగ్గర పనిచేయాలని టీఆర్ఎస్‌లోకి వస్తున్నారన్నారు.
