పదేళ్ళు అధికారంలో ఉన్నపుడు గుర్తుకురాని రైతులు ఈ రోజు BRS నాయకులకు గుర్తుకు వస్తున్నారా అని ప్రశ్నించారు మంత్రి తుమ్మల నాగేశ్వర రావు. రైతు బంధు నాట్లు వేసేటప్పుడు ఇచ్చాం అంటున్న వారికి, ప్రతి పంట కాలములో రైతుబంధు ఎప్పుడు మొదలు పెట్టి ఎప్పటిదాకా ఇచ్చారో తెలియకపోతే ఒకసారి తెలుసుకొని మాట్లాడితే బాగుండేది అని సూచించారు అదే విధంగా.. రైతుబంధు పేరు చెప్పి పంటల భీమా, వ్యవసాయ యాంత్రికరణ పథకాలకు తిలోదకాలు ఇచ్చింది ఏవరు అని ప్రశ్నించారు.
అలాగే పంట నష్ట పోయినపుడు ఏనాడైన రైతులను ఆదుకున్నారా.. బిఆర్ఎస్ ప్రభుత్వ పెద్దలు ఈ మధ్యకాలంలో చేస్తున్న రైతు దీక్షల పేరిట చేస్తున్న కొత్త విన్యాసాలు మరియు అక్కడ వారు చేస్తున్న ప్రకటనలు చూసి తెలంగాణ రైతాంగం నవ్వుకుంటున్నారు అని పేర్కొన తుమ్మల నాగేశ్వరరావు.. గత పదేళ్లలో వారి ప్రభుత్వంలో జరిగినట్టు చెప్పుకుంటున్న అభివృద్ధికి, ప్రస్తుత సంవత్సర కాలంలో కాంగ్రెస్ చేసిన కార్యక్రమాలను మరొక్కసారి వారికి గుర్తుచేస్తున్నాం అని తుమ్మల అన్నారు.
