NBK 108 : అన్న దిగిండు.. గిప్పడి సంది లెక్కలు టక్కర్

ఎఫ్3 తర్వాత బాలయ్యతో అనిల్ రావిపూడి ఎన్బీకె 108 ప్రాజెక్ట్ చేస్తున్న సంగతి తెలిసిందే. రీసెంట్‌గానే ఈ సినిమాను అఫీషియల్‌గా అనౌన్స్ చేశారు. అఖండ, ఎన్బీకే 107 తర్వాత.. ముచ్చటగా మూడోసారి తమన్ ఈ సినిమాకు సంగీతం అందిచబోతున్నాడు. దాంతో మ్యూజికల్‌గా అంచనాలను పెంచేసింది 108 ప్రాజెక్ట్.

ఇక అంతకు మించి అనేలా ఇందులో బాలయ్య ఊహించని రోల్‌లో కనిపించబోతున్నాడని తెలుస్తోంది. ఇండస్ట్రీ వర్గాల ప్రకారం.. ఈ సినిమాలో స్టైలిష్ గ్యాంగ్ స్టర్‌గా కనిపించనున్నారట బాలయ్య. అందుకోసం నటసింహం లుక్ ఓ రేంజ్‌లో డిజైన్ చేసినట్టు సమాచారం.

ఇది ఇలా ఉండగా, ఈ సినిమా పూజ కార్యక్రమం ఇవాళ ఉదయం ముగిసింది. ఈ నేపథ్యంలో.. అధికారిక ప్రకటన చేసింది చిత్ర బృందం. అలాగే పూజా కార్యక్రమానికి సంబంధించిన ఫోటోలను కూడా చిత్ర బృందం విడుదల చేసింది. అన్న దిగిండు! గిప్పడి సంది లెక్కలు టక్కర్ అంటూ అనిల్‌ రావిపూడి ట్వీట్‌ చేయడం అందరికీ ఆసక్తిని రేపుతోంది.