టాలీవుడ్ సూపర్ స్టార్ మహేశ్ బాబు ‘సర్కారు వారి పాట’ ఫిల్మ్ సక్సెస్ ను ఎంజాయ్ చేస్తున్నాడు. పరశురామ్ దర్శకత్వంలో వచ్చిన ఈ పిక్చర్ రికార్డుల వేటలో తలమునకలైంది. కాగా, మహేశ్ తన నెక్స్ట్ ఫిల్మ్స్ పైన ఫోకస్ పెడుతున్నాడు. తన స్నేహితుడు త్రివిక్రమ్ శ్రీనివాస్ దర్శకత్వంలో తెరకెక్కే సినిమా SSMB28 త్వరలో సెట్స్ పైకి వెళ్లనుంది.
ఈ మూవీకి సంబంధించిన న్యూస్ ఒకటి ప్రజెంట్ సోషల్ మీడియాలో బాగా వైరలవుతోంది. ఈ నెల 31న సూపర్ స్టార్ కృష్ణ బర్త్ డే సందర్భంగా చిత్రానికి సంబంధించిన అప్ డేట్ రివీల్ చేస్తారని తెలుస్తోంది. కాగా, ఆ చిత్ర టైటిల్ ‘అర్జునుడు’ అని ఫిక్స్ చేసినట్లు టాక్.
మాటల మాంత్రికుడు త్రివిక్రమ్ శ్రీనివాస్ సినిమాలకు ‘అ’ అక్షరం సెంటిమెంట్ కాగా, మహేశ్ నటించిన ‘అర్జున్’ మూవీ కూడా హిట్ అయిన నేపథ్యంలో ఆ టైటిల్ కు మహేశ్ ఓకే చెప్పినట్లు వినికిడి. చూడాలి మరి.. ఈ వార్తల్లో నిజం ఎంతుందో..మహేశ్ ఈ చిత్రం తర్వాత దర్శక ధీరుడు ఎస్.ఎస్.రాజమౌళితో పిక్చర్ చేయనున్నారు. మహేశ్ వరుస సినిమాలు బాక్సాఫీసు వద్ద సత్తా చాటుతున్నాయి. ‘‘భరత్ అనే నేను’’,‘‘మహర్షి’’, ‘‘సరిలేరు నీకెవ్వరు’’ తర్వాత ఇటీవల విడుదలైన ‘‘సర్కారు వారి పాట’’ సూపర్ హిట్ అయింది.
