సుకుమార్ దర్శకత్వంలో ఐకాన్ స్టార్ అల్లు అర్జున్ హీరోగా నటిస్తున్న తాజా చిత్రం పుష్ప-2 . పుష్ప ఫస్ట్ పార్ట్ ఓ రేంజ్ లో బ్లాక్ బస్టర్ హిట్ కావడంతో ఇప్పుడు దానికి సీక్వెల్గా పుష్ప-ది రూల్ను తెరకెక్కిస్తున్న విషయం తెలిసిందే.ఇక ఈ సినిమా కోసం ప్రేక్షకులు ఎంతో ఆసక్తిగా ఎదురు చూస్తున్నారు. ఈ ఏడాది ఆగస్టు 15న పుష్ప 2 ను ప్రేక్షకుల ముందుకు తీసుకురావడానికి మేకర్స్ సన్నహాలు చేస్తున్నారు.
ఇదిలా ఉంటే…’పుష్ప-2′ సినిమా నుంచి అప్డేట్ వచ్చేసింది. రేపటి నుంచి పుష్ప మాస్ జాతర మొదలవుతుందని మేకర్స్ ట్విటర్ వేదికగా ఓ పోస్టర్ను షేర్ చేశారు. ‘ఎగ్జెటింగ్ అనౌన్స్మెంట్ రాబోతోంది అని వేచి ఉండండి’ అని ట్వీట్ చేశారు.దీంతో ఆ ప్రకటన దేని గురించి ఉంటుందా? అనే ప్రశ్న అభిమానుల్లో మొదలైంది.ఈ సినిమాలో రష్మిక మందాన్న కథానాయికగా నటిస్తుంది. ఈ చిత్రానికి ఫేమస్ మ్యూజిక్ డైరెక్టర్ దేవిశ్రీప్రసాద్ సంగీతాన్ని అందిస్తున్నాడు.
