రాష్ట్రంలో చాలా స్కూళ్లు, కాలేజీలలో టాయిలెట్లు లేవని విమర్శించారు బిజెపి ఎమ్మెల్యే ఈటెల రాజేందర్. చాలా స్కూళ్లలో ఒకే టాయిలెట్ ఉండడంతో పిల్లలు తీవ్ర ఇబ్బందులు పడుతున్నారని మండిపడ్డారు. ” పాలకులారా ఇంతకంటే సిగ్గుచేటు ఏమన్నా ఉందా? అవార్డులు వస్తున్నాయి, మేమే గొప్ప అని చెప్పుకోవడం కాదు. కనీస అవసరాలు తీర్చండి ” అని ట్వీట్ చేశారు. అంతేకాక ఎందుకు సంబంధించిన ఓ పేపర్ క్లిప్పింగ్ షేర్ చేశారు ఈటెల రాజేందర్.
అంతకుముందు మేడ్చల్ జిల్లా దమ్మాయిగూడ లోని తిరుమల గార్డెన్స్ లో ఓబీసీ మోర్చా మేడ్చల్ జిల్లా శిక్షణ శిబిరం నిర్వహించారు. ఈ కార్యక్రమానికి ముఖ్యఅతిథిగా హాజరైన ఈటెల రాజేందర్ మాట్లాడుతూ.. కొట్లాడి తెచ్చుకున్న తెలంగాణలో దౌర్భాగ్యమైన పరిస్థితి ఏర్పడిందని ఆవేదన వ్యక్తం చేశారు. నిరుద్యోగులను కేసీఆర్ పట్టించుకున్న పాపాన పోలేదన్నారు. తెలంగాణని అప్పుల తెలంగాణగా మార్చేశారని కేసీఆర్ పై మండిపడ్డారు.
