ఈ రోజు ఎన్నికలు వస్తే….BRS కు 100 సీట్లు వస్తాయన్నారు మాజీ మంత్రి హరీష్ రావు. ఇవాళ మీడియా చిట్‌ చాట్‌ లో మాజీ మంత్రి హరీష్ రావు మాట్లాడుతూ… రాజకీయాల్లో గెలుపు ఓటములు కామన్ అన్నారు. అంతమాత్రాన కేసీఆర్ పని అయిపోయింది అంటావా అంటూ ఆగ్రహించారు. నక్కకు నాగలోకానికి ఉన్న తేడా ఉందంటూ రేవంత్‌ పై ఫైర్ అయ్యారు.
నా గురించి కేటీఆర్ గురించి మాట్లాడుతున్నారు….అలా మాట్లాడిన వాళ్ళు ఎటు పోయారో చూశామని హెచ్చరించారు. ముందు నీ పక్కన ఉన్నవాళ్లు నిన్ను ఫినిష్ చేయకుండా చూసుకో అంటూ చురకలు అంటించారు. ఈ రోజు ఎన్నికలు వస్తే 100 సీట్లు brs కు వస్తాయని తెలిపారు. ఓ మంత్రి గవర్నర్ ను కలిశాడు.. ఓ మంత్రి హెలికాప్టర్ లేదని అలిగాడు అంటూ సెటైర్లు పేల్చాడు. ఓ మంత్రి ఢిల్లీ కి రెండుమూడు సార్లు ఢిల్లీ వెళ్ళాడు, మరో ఇద్దరు ముగ్గురు మేము సీఎం అవుతాము అని సోషల్ మీడియా లో పెట్టుకుంటున్నారని ఎద్దేవా చేశారు హరీష్ రావు. కేసీఆర్ దయతో సీఎం అయ్యావు… కేసీఆర్ పై మాట్లాడే హక్కు లేదని ఫైర్ అయ్యారు.
