ప్రస్తుతం టాలీవుడ్ సినీ ఇండస్ట్రీలో బడా నిర్మాతలుగా గుర్తింపు తెచ్చుకున్న వారిలో దిల్ రాజు కూడా ఒకరు. ఇక ఈయన డిస్ట్రిబ్యూటర్ గా తన కెరీర్ ను మొదలుపెట్టి ఆ తరువాత పెద్దపెద్ద పాన్ ఇండియా సినిమాలను నిర్మించే స్థాయికి ఎదిగారు అంటే ఆయన ఎంత కష్టపడి ఈ పొజిషన్ కి వచ్చారో మనం అర్థం చేసుకోవచ్చు. ప్రస్తుతం దిల్ రాజు ఏదైనా సినిమా నిర్మిస్తున్నాడు అంటే కచ్చితంగా ఆ సినిమా బ్లాక్ బస్టర్ విజయాన్ని అందుకుంటుంది అని చెప్పడంలో సందేహం లేదు. కానీ ఇంతటి సక్సెస్ ట్రాక్ ఉన్న దిల్ రాజు సినీ కెరియర్లో కూడా భారీ డిజాస్టర్ మూవీస్ ఉన్నాయంటే ఆశ్చర్యం కలగక మానదు. ఆయన సినీ కెరియర్లో నిలిచిన మూవీస్ ఏంటో ఇప్పుడు ఒకసారి చదివి తెలుసుకుందాం.
మున్నా..వంశీ పైడిపల్లి దర్శకత్వంలో భారీ బడ్జెట్ తో తెరకెక్కిన ఈ సినిమా యావరేజ్ టాక్ తో మొదలై.. చివరికి అట్టర్ ప్లాఫ్ గా నిలిచింది. ఇక దిల్ రాజుకు నిర్మాతగా మొదటి షాక్ ఇచ్చిన సినిమా కూడా ఇదే కావడం గమనార్హం. ఇక ఆ తర్వాత ఆకాశమంత సినిమాకి కూడా దిల్ రాజు నిర్మాత గా వ్యవహరించి మంచి విజయం సాధిస్తుందని అనుకున్నారు. కానీ ఈ సినిమా కూడా అనుకున్నంత స్థాయిలో విజయం సాధించలేదు..
ఇవే కాకుండా జోష్, రామ రామ కృష్ణ కృష్ణ , మరోచరిత్ర, గగనం ,ఓ మై ఫ్రెండ్ వంటి సినిమాలతో దిల్ రాజుకు గట్టి షాక్ తగిలిందని చెప్పవచ్చు. రామయ్య వస్తావయ్య, కృష్ణాష్టమి, శ్రీనివాస కళ్యాణం , ఇద్దరి లోకం ఒకటే, లవర్, రౌడీ బాయ్స్ వంటి సినిమాలు కూడా ఈయన కెరియర్ లో భారీ డిజాస్టర్లుగా మిగిలాయి.ఇక తాజాగా వచ్చిన థాంక్యూ సినిమా కూడా దిల్ రాజుకు భారీ నష్టాలను తెచ్చి పెట్టేలా కనిపిస్తోంది. మరి ఈ సినిమా కమర్షియల్ గా విజయం సాధిస్తుందో లేదో తెలియాల్సి ఉంది.
