విక్టరీ వెంకటేష్, వరుణ్ తేజ్ హీరోలుగా నటించిన ఎఫ్ 2, ఎంతటి విజయాన్నందుకుందో ప్రత్యేకంగా చెప్పాల్సిన పనిలేదు. సంక్రాంతి విన్నర్ గా నిలిచిన ఈ చిత్రం బ్లాక్ బస్టర్ అనిపించుకుంది. ఈ నేపథ్యంలో దర్శకుడు అనిల్ రావిపూడి ఎఫ్ 3 పనులు మొదలెట్టాడు. ప్రస్తుతం ఎఫ్ 3 సినిమా చిత్రీకరణ దశలో ఉంది. ఎఫ్ 2లో చేసిన నటీనటులనే పెట్టుకున్న అనిల్ రావిపూడి, ఇందులో మరో హీరోయిన్ ని ఎంచుకున్నాడట. తమన్నా, మెహ్రీన్ లతో పాటు మరో హీరోయిన్ కనిపించనుందట.
లెజెండ్, రూలర్ సినిమాల్లో కనిపించిన సోనాల్ చౌహాన్, ఎఫ్ 3లో అలరించనుందని తెలుస్తుంది. లెజెండ్, రూలర్ సినిమాల్లో సోనాల్ చౌహాన్ ఎంత గ్లామరస్ గా కనిపించిందో అందరికీ తెలిసిందే. ఈ సినిమాలోనూ తన అంద చందాలతో ప్రేక్షకులని ముగ్ధులని చేయనుందట. ప్రస్తుతం తెలుగు సినిమాల్లో పెద్దగా అవకాశాలు తెచ్చుకోలేకపోతున్న సోనాల్ కి ఎఫ్ 3లో అవకాశం రావడం అదృష్టమే.
