మునుగోడు ఉప ఎన్నికల్లో మరో ట్విస్ట్‌ చోటు చేసుకుంది. టీఆర్ఎస్ పార్టీకి సీపీఐ పార్టీ మద్దతు తెలిపినట్లు సమాచారం అందుతోంది. మునుగోడు ఎన్నికల ప్రచారానికి రావాలని సీపీఐ పార్టీని కోరారు సీఎం కేసీఆర్. ఈ నేపథ్యంలోనే…మునుగోడు సభకు వెళ్లాలని సీపీఐ పార్టీ నిర్ణయం తీసుకుంది.
దీంతో ఇవాళ సీఎం కేసీఆర్ వాహనం లోనే చాడా వెంకట్ రెడ్డి.. మునుగోడు సభకు వెళ్లనున్నారు. అంతేకాదు… మునుగోడు సభా వేదికను సీఎం కెసిఆర్, సీపీఐ చాడా వెంకట్ రెడ్డి.. పంచుకోనున్నారు. ఈ బహిరంగ సభలోనే.. టీఆర్ఎస్ పార్టీకి మద్దతు ఇస్తున్నట్లు ప్రకటించే ఛాన్స్‌ ఉంది.
బీజేపీ పార్టీని ఓడించే ఏ పార్టీతో నైనా తాము పని చేసేందుకు సిద్ధంగా ఉన్నామని గతం నుంచే సీపీఐ పార్టీ చెబుతోంది. ఈ నేపథ్యంలోనే ఈ నిర్ణయం తీసుకుంది సీపీఐ. ఇక అటు సీపీఎం కూడా టీఆర్ఎస్ పార్టీకే మద్దతు తెలిపే ఛాన్స్‌ ఉంది. కాగా.. ఇవాళ సాయంత్రం మునుగోడు టీఆర్ఎస్ బహిరంగ సభ జరుగనున్న సంగతి తెలిసిందే.
