రిపబ్లికన్‌ పార్టీ అభ్యర్థి డొనాల్డ్ ట్రంప్ మ్యాజిక్‌ ఫిగర్‌కు మరింత చేరువయ్యారు. ఈసారి కీలకమైన స్వింగ్‌ స్టేట్స్‌లో జార్జియా, నార్త్‌ కరోలినాను ఆయన సొంతం చేసుకున్నారు. మరో 5 స్వింగ్‌ స్టేట్స్‌లోనూ ఆధిక్యంలో కొనసాగుతున్నారు. ఇప్పటివరకు వెలువడిన ఫలితాల ప్రకారం.. ట్రంప్ 247 ఎలక్టోరల్‌ ఓట్లు సాధించగా.. ప్రస్తుతం జార్జియా, కాన్సస్‌, అయోవా, మోంటానా, యుటా, నార్త్‌ డకోటా, వయోమింగ్‌, సౌత్‌ డకోటా, నెబ్రాస్కా, ఓక్లహోమా, టెక్సాస్‌, ఆర్కాన్సాస్‌, లూసియానా, ఇండియానా, కెంటకీ, టెన్నెసీ, మిస్సోరి, మిసిసిపి, ఒహాయో, వెస్ట్‌ వర్జీనియా, అలబామా, సౌత్‌ కరోలినా, ఫ్లోరిడా, ఐడహో, నార్త్‌ కరోలినా రాష్ట్రాలను సొంతం చేసుకున్నారు. మరో 25 సీట్లను నెగ్గితే ట్రంప్ విజయం ఖాయం కానుంది.
ఇక ప్రస్తుత వైస్ ప్రెసిడెంట్, డెమెక్రటిక్ అధ్యక్ష అభ్యర్థి కమలా హారిస్‌ 210 ఎలక్టోరల్‌ సీట్లను కైవసం చేసుకున్నారు. కాలిఫోర్నియా, ఓరెగన్‌, వాషింగ్టన్‌, న్యూ మెక్సికో, వర్జీనియా, ఇల్లినోయీ, న్యూజెర్సీ, మేరీల్యాండ్‌, వెర్మాంట్‌, న్యూయార్క్‌, కనెక్టికట్‌, డెలవేర్‌, మసాచుసెట్స్‌, రోడ్‌ ఐల్యాండ్‌, కొలరాడో, హవాయి, డిస్ట్రిక్ట్‌ ఆఫ్‌ కొలంబియాను ఆమె సొంతం చేసుకున్నారు.
