మీరు మీ ముఖంపై నల్ల మచ్చలు, ఇతర చర్మ సమస్యలతో బాధపడుతూ ఉన్నారా..? చర్మానికి పోషణనిచ్చే అనేక విశిష్ట గుణాలు పాలలో ఉన్నాయి. చర్మం బాగా శుభ్రపరచడానికి మరియు ముడతలను తగ్గించడానికి పాలు సహాయపడుతుంది. పాలలో లాక్టిక్ యాసిడ్ ఉంటుంది, ఇది ముడతలను తగ్గించడంలో సహాయపడుతుంది. పాలలో ఉండే లాక్టిక్ యాసిడ్ సన్ బర్న్ వల్ల వచ్చే చర్మ సమస్యలను నివారిస్తుంది. ముఖానికి పాలను ఏ విధంగా ఉపయోగించాలో చూద్దామా..!
పాలతో మూడు రకాల ఫేస్ ప్యాక్స్
రెండు టీస్పూన్ల పాలు, ఒక టీస్పూన్ సముద్రపు పిండిని మిక్స్ చేసి మీ ముఖం మరియు మెడకు అప్లై చేయండి. 15 నిమిషాలు మసాజ్ చేయాలి. తర్వాత గోరువెచ్చని నీటితో మీ ముఖాన్ని కడగాలి. ఈ ప్యాక్‌ని వారానికి రెండు లేదా మూడు సార్లు అప్లై చేయండి.
రెండు టీస్పూన్ల బొప్పాయి పేస్ట్ మరియు ఒక టీస్పూన్ పాలు కలిపి ప్యాక్ తయారు చేయండి. తర్వాత ఈ ప్యాక్‌ని మీ ముఖం మరియు మెడపై అప్లై చేసి 15 నిమిషాల తర్వాత చల్లటి నీటితో శుభ్రం చేసుకోవాలి. ఈ ప్యాక్‌ని వారానికి రెండు లేదా మూడు సార్లు అప్లై చేయండి. బొప్పాయిలో ఉండే అధిక నీటిశాతం అద్భుతమైన సహజ మాయిశ్చరైజర్‌గా పనిచేస్తుంది. ఇది చర్మాన్ని మృదువుగా మరియు బాగా హైడ్రేట్ గా ఉంచడంలో సహాయపడుతుంది.
రెండు టీస్పూన్ల పాలు మరియు ఒక టీస్పూన్ అలోవెరా జెల్‌ను బాగా మిక్స్ చేసి మీ ముఖం మరియు మెడకు అప్లై చేయండి. ఆరిన తర్వాత చల్లటి నీటితో ముఖం కడుక్కోవాలి.
వీటితో పాటు పాలు కాస్త కుంకుమపువ్వు కలిపి కూడా ఫేస్‌కు అప్లై చేయొచ్చు. స్కిన్‌ గ్లో వస్తుంది. అయితే.. పాలలో వెన్నశాతం తక్కువగా ఉన్నవి తీసుకోండి. లేదంటే.. ముఖం నల్లబడే అవకాశం ఉంటుంది. అలాగే పాలు అందరికి ఒకేరకమైన ఫలితాలను ఇస్తాయి అని చెప్పలేం.. కొందరికి పాలు ఎలర్జీ ఉండొచ్చు. అలాంటి వాళ్లు ఈ ఫేస్ ప్యాక్‌ను ట్రై చేయాలంటే.. ప్యాచ్‌టెస్ట్‌ చేసుకుని మాత్రమే చేయాలి.
