బాలీవుడ్ స్టార్ హీరో అమ్మాయిల డ్రెస్సింగ్పై సంచలన వ్యాఖ్యలు చేశాడు. మహిళల శరీరాలు ఎంతో విలువైనవని, వాటిని దుస్తులతో ఎంత ఎక్కువగా కప్పితే అంత మంచిదని వ్యాఖ్యానించాడు. ఆదివారం రాత్రి ప్రసారమైన ‘ఆప్‌ కీ అదాలత్‌’ టీవీ కార్యక్రమంలో సల్మాన్ ఈ వ్యాఖ్యలు చేశాడు.
ఈ నేపథ్యంలో ‘ఆప్‌ కీ అదాలత్‌’ వ్యాఖ్యాత రజత్‌ శర్మ సల్మాన్‌ను ఓ ప్రశ్న అడిగారు. ‘‘మీ సినిమా సెట్‌లోని మహిళలకు దుస్తుల విషయంలో నియమం పెట్టే మీరు.. సినిమాల్లో మాత్రం చొక్కా విప్పి నటించడం ద్వంద్వ ప్రమాణాల కిందకు రాదా?’ అని అడిగారు.
దీనిపై సల్మాన్ స్పందిస్తూ.. ‘‘ఇందులో ద్వంద్వ ప్రమాణాలు లేవు. నా అభిప్రాయంలో మహిళల శరీరాలు విలువైనవి. వాటిని ఎంత ఎక్కువగా దుస్తులతో సంరక్షిస్తే వారికి అంత మంచిది. ఇది మహిళల గురించి చెబుతున్న మాట కాదు. మన తల్లులు, భార్యలు, సోదరీమణుల్లాంటి మహిళలను వక్రబుద్ధితో చూసే కొందరి గురించి చెబుతున్న మాట. మహిళలు అవమానాలకు గురికాకూడదని నేను కోరుకుంటున్నాను’’ అని వివరించారు.
