మెగా పవర్ స్టార్ రామ్ చరణ్.. ఆర్ఆర్ఆర్ సినిమాతో గ్లోబల్ స్టార్గా మారిపోయాడు. ఈ సినిమాతో ప్రపంచ వ్యాప్తంగా పాపులారిటీ సంపాదించుకున్నాడు. ఆర్ఆర్ఆర్ మూవీతో చరణ్ గురించి తెలుసుకున్న అంతర్జాతీయ ప్రేక్షకులు.. ఆర్ఆర్ఆర్కు ముందు చరణ్ సినిమాలపై ఆసక్తి చూపిస్తున్నారు. ఆ సినిమాలు చూసి ఈ హీరో స్టామినా ఏంటో అర్థం చేసుకుంటున్నారు. ఇక మెగాపవర్ స్టార్ రామ్ చరణ్ తేజ్ మరియు కియారా అద్వానీ లు జంటగా నటిస్తున్న తాజా చిత్రం “గేమ్ చేంజర్”.
ఇది ఇలా ఉండగా… బీటౌన్ లో ఓ ఇంట్రెస్టింగ్ న్యూస్ చక్కర్లు కొడుతోంది. రామ్ చరణ్ బాలీవుడ్ డైరెక్టర్ రాజ్ కుమార్ హిరాణితో కలిసి ఓ సినిమా చేయనున్నారని వార్తలు వినిపిస్తున్నాయి. ఆ సినిమాలో ఇండస్ట్రీకి పరిచయం లేని అమ్మాయిని హీరోయిన్ గా పెడితే బాగుంటుందని డైరెక్టర్ ఫిక్స్ అయ్యారట. అందుకు సచిన్ కూతురు సారా టెండూల్కర్ అయితే సెట్ అవుతుందని ఆమెను ఎంపిక చేసినట్లు తెలుస్తోంది. దీనికి సచిన్ గ్రీన్ సిగ్నల్ ఇచ్చినట్లు సమాచారం.
