ప్రస్తుతం సోషల్ మీడియాలో ఎక్కడ చూసినా బేబీ సినిమా మీమ్స్, వీడియోస్, రీల్సే కనిపిస్తున్నాయి. రిలీజ్కు ముందే సూపర్ హైప్ను సంపాదించుకున్న ఈ చిత్ర ప్రీ రిలీజ్ ఈవెంట్ హైదరాబాద్లో బుధవారం రోజున జరిగింది. ఈ వేడుకకు హాజరైన ఈ సినిమా హీరోయిన వైష్ణవి చైతన్య మాట్లాడుతూ ఎమోషనల్ అయింది. తల్లిదండ్రులు జన్మనిస్తే, దర్శకుడు సాయి రాజేశ్‌ నటిగా తనకు మరో జన్మనిచ్చారని పేర్కొంది. తన ప్రయాణాన్ని గుర్తుచేసుకుంటూ వేదికపై కంటతడి పెట్టుకుంది. ఆనంద్‌ దేవరకొండ హీరోగా సాయి రాజేశ్‌ తెరకెక్కించిన ఈ చిత్రం ఈ నెల 14న విడుదల కానుంది.
‘‘సమాజంలో చోటు చేసుకున్న కొన్ని సంఘటలనల ఆధారంగా ఈ సినిమాని రూపొందించారు. ఈ కథలో ప్రతి ఒక్కరూ లీనమవుతారు. యూట్యూబ్‌ వీడియోలు చేసుకుంటూ ఉండే నా దగ్గరకు ఈ ‘బేబీ’ కథ వచ్చింది. బేబీ అవకాశం నాకు వచ్చినప్పుడు ప్రధాన పాత్ర పోషించగలనా అనే భయం ఉండేది. డైరెక్టర్ రాజేశ్‌ ధైర్యాన్నిచ్చారు. ఆయన నాకు మరో జన్మనిచ్చారు. ఆయన వల్లే నేనో కొత్త ప్రపంచాన్ని చూస్తున్నా.’’ అంటూ వైష్ణవి భావోద్వేగానికి గురైంది.
