తమిళనాడులోని తంజావూరు లో జరిగిన ఈ దారుణ సంఘటన ఆలస్యంగా వెలుగులోకి వచ్చింది.వివాహం కాకుండానే గర్భం దాల్చింది ఓ బాలిక. విషయం కుటుంబ సభ్యులకు చెప్పకుండా దాచి పెట్టింది.వారం క్రితం ఓ ఆడపిల్లకు జన్మనిచ్చింది ఓ 17 ఏళ్ల బాలిక.అత్యాచారం కేసు నమోదు చేసుకున్న పోలీసులు ఓ 12 ఏళ్ళ బాలుడిని అరెస్టు చేశారు.వివరాల్లోకెళ్తే…తంజావూరుకు చెందిన 17 ఏళ్ల బాలిక..అదే ప్రాంతానికి చెందిన 12 ఏళ్ల బాలుడు..బడి మానేసి ఇంట్లోనే ఉంటున్నారు.ఈ క్రమంలో వీరిద్దరి మధ్య స్నేహం ఏర్పడింది.వీరిద్దరూ చాలా సన్నిహితంగా ఉండేవారు.అయితే ఆ బాలికకు తీవ్రమైన కడుపునొప్పి రావడంతో ఏప్రిల్ 16న ప్రభుత్వ ఆసుపత్రిలో చేర్పించారు.పరీక్షలు నిర్వహించిన వైద్యులు బాలికను గర్భవతి గా తేల్చారు.అదేరోజు ఆడపిల్లకు జన్మనిచ్చింది.
అయితే వివాహం కాకుండానే పాపకు జన్మనిచ్చినట్లు తెలుసుకున్న వైద్యులు వెంటనే పోలీసులకు సమాచారం ఇచ్చారు.పోలీసుల విచారణలో విస్తుపోయే నిజాలు వెలుగులోకి వచ్చాయి.ఇంటి సమీపంలో ఉండే ఓ 12 ఏళ్ల బాలుడు తనపై తరచూ అత్యాచారానికి పాల్పడడంతో గర్భం దాల్చినట్లు తన వాంగ్మూలంలో తెలిపింది.బాలిక ఫిర్యాదు మేరకు లైంగిక నేరాల నుండి పిల్లల రక్షణ చట్టం కింద -2012 (POSCO ACT) ఆ బాల నేరస్తుడిని అరెస్టు చేసి కోర్టులో ప్రవేశపెట్టారు.అయితే బాధితురాలి వాంగ్మూలం ఆధారంగా బాలుడిని అరెస్టు చేసినప్పటికీ, మరెవ్వరి ప్రమేయం ఏమైనా ఉందా అనే కోణంలో కూడా పోలీసులు దర్యాప్తు చేస్తున్నారు.
