భద్రాచలంలో గోదావరి వంతెన పైనుంచి యువకుడి ఆత్మహత్యాయత్నం

భద్రాద్రి కొత్తగూడెం జిల్లాలో దారుణం చోటుచేసుకుంది. భద్రాచలం గోదావరి నది వంతెన పై నుంచి దూకి ఆత్మహత్య చేసుకునేందుకు ఓ యువకుడు యత్నించాడు.వంతెన పైన కూర్చుని దూకేందుకు యత్నిస్తుండగా అటుగా వెళ్లే స్థానికులు అతన్ని మాటల్లో పెట్టారు. ఈ క్రమంలోనే వెనుక నుంచి ద్విచక్ర వాహనంపై వచ్చిన వ్యక్తి బైక్ పార్క్ చేశాడు.

వెంటనే వెళ్లి వెనుక నుంచి అతన్ని పట్టుకుని వెనక్కి బలంగా లాగాడు. ఈ లోగా అతన్ని మాటల్లో పెట్టిన వ్యక్తులు సైతం వచ్చి అతన్ని పట్టుకున్నారు.దీంతో యువకుడిని చాకచక్యంగా కాపాడిన స్థానికులు వెంటనే పోలీసులకు సమాచారం అందించినట్లు తెలుస్తోంది. అసలు ఎందుకు ఆత్మహత్య చేసుకోవాలనుకున్నాడో అతని నుంచి వివరాలు సేకరించే ప్రయత్నం చేశారు.