అల్లు అర్జున్ హీరోగా సుకుమార్ దర్శకత్వంలో వచ్చిన పుష్ప 1 సినిమా ఎన్ని సంచలనాలు సృష్టించిందో మన అందరికి తెలుసు. ఈ సినిమా ఇద్దరూ పాన్ ఇండియా రేంజ్ కు వెళ్ళి పోయారు. అల్లు అర్జున్ స్టయిల్ ఆఫ్ యాక్షన్ కు దేశం మొత్తం పిధా అయ్యింది. ఇప్పుడు అందరూ రెండొ పార్ట్ కోసం ఆసక్తిగా ఎదురు చూస్తున్నారు. సినిమా ఆలస్యం వార్తలు అల్లు అర్జున్ ఫ్యాన్స్ ను నిరాశకు గురిచేస్తున్నాయి. 
ప్రస్తుతం డిసెంబర్ 8న ‘పుష్ప ది రైజ్’ రష్యాలో గ్రాండ్ గా రిలీజ్ కాబోతుంది. విడుదలకి ఇంకో వారం మాత్రమే సమయం ఉండడంతో ‘పుష్ప ది రైజ్’ ప్రమోషన్స్ కోసం చిత్ర యూనిట్ రష్యా చేరుకున్నారు. అల్లు అర్జున్, సుకుమార్, రష్మిక అండ్ టీంకి ఘన స్వాగతం పలికారు ఆ ఫోటోలు సోషల్ మీడియాలో వైరల్ అవుతున్నాయి. 
డిసెంబర్ 1న మాస్కోలో, డిసెంబర్ 3న సెయింట్ పీటర్స్బర్గ్ లో మీడియాతో ఇంటరాక్ట్ అవ్వనున్నారు. పుష్ప పార్ట్ 1కి వరల్డ్ వైడ్ గుర్తింపు వస్తే, అది పార్ట్ 2కి ఉపయోగ పడుతుందనే ఉద్దేశంతోనే ‘పుష్ప ది రైజ్’ని రష్యాలో రిలీజ్ చేస్తున్నారు. ఎర్ర చందనం స్మగ్లింగ్ నేపధ్యంలో తెరకెక్కిన ఈ సినిమా అక్కడి ఆడియన్స్ ని ఎంతవరకు ఆకట్టుకుంటుందో చూడాలి. ఇక తెలుగు సినిమా దేశాన్నే కాకుండా ప్రపంచాన్ని కూడా పలకరిస్తుంది అని చాలా మంది టాలీవుడ్ అభిమానుల, బన్నీ ఫ్యాన్స్ ఆనందం వ్యక్తం చేస్తున్నారు.
