ఏపీ ప్రజలకు శుభవార్త చెప్పారు సీఎం చంద్రబాబు నాయుడు. ఫిబ్రవరి 1వ తేదీన పెన్షన్ పంపిణీ చేయనున్నారు చంద్రబాబు. ఫిబ్రవరి ఒకటో తేదీన ముఖ్యమంత్రి చంద్రబాబు నాయుడు తూర్పుగోదావరి జిల్లా కొవ్వూరులో పర్యటించనున్నారు.
ఈ సందర్భంగా గృహప్రవేశం కార్యక్రమం, ఎన్టీఆర్ సామాజిక భద్రత పెన్షన్ పంపిణీ కార్యక్రమాల్లో పాల్గొననున్నారు చంద్రబాబు. ఈ తరునంలోనే సీఎం చంద్రబాబు పర్యటన కోసం కొవ్వూరులో భారీగా ఏర్పాట్లు చేస్తున్నారు అధికారులు. కాగా… సీఎం చంద్రబాబు కీలక ప్రకటన చేశారు. త్వరలోనే మరో 3 పథకాలను అమలు చేస్తామని ప్రకటన చేశారు సీఎం చంద్రబాబు నాయుడు.
సీఎం చంద్రబాబు అధ్యక్షతన టీడీపీ పార్లమెంటరీ పార్టీ సమావేశం నిర్వహించారు. ఈ సమావేశానికి హాజరైన టీడీపీ ఎంపీలు.. చంద్రబాబు ఆదేశించిన సూచనలు పాటిస్తామని తెలిపారు. పార్లమెంటు బడ్జెట్ సమావేశాల్లో అనుసరించాల్సిన వ్యూహాలు, ప్రస్తావించాల్సిన అంశాలు, రాష్ట్రానికి నిధుల కేటాయింపుపై చర్చలు నిర్వహించారు.
