ఢిల్లీ లిక్కర్ స్కాం దేశవ్యాప్తంగా ఎంతటి సంచలనం సృష్టించిందో ప్రత్యేకంగా చెప్పనక్కర్లేదు. తాజాగా ఈ స్కామ్ లో మరో కీలక పరిణామం చోటు చేసుకుంది. రెండో ఛార్జ్ షీట్ ను ఫైల్ చేశారు అధికారులు. ఈ రెండో ఛార్జ్ షీట్ లో ఢిల్లీ సీఎం అరవింద్ కేజ్రీవాల్ పేరును ప్రస్తావించారు. ఆంధ్రప్రదేశ్ కి చెందిన ఎంపీ బాగుంటది పేరును కూడా మరోసారి చేర్చారు. ఏకంగా ఢిల్లీ ముఖ్యమంత్రి పేరు నే ప్రస్తావించడంతో ఈ స్కాం ఒక్కసారిగా ఊహించని మలుపు తిరిగింది.
కాగా 428 పేజీలతో కూడిన రెండవ చార్జి షీట్ ను ఈడి రిలీజ్ చేసింది. క్యాంప్ ఆఫీస్ లోనే ఈ తతంగం అంతా నడిచిందని పేర్కొంది. ఢిల్లీ ముఖ్యమంత్రి తో పాటు మరో 17 మంది నిందితులపై ఈడి అభియోగాలు మోపింది. ఈ ఛార్జ్ షీట్ పై ఢిల్లీ ముఖ్యమంత్రి అరవింద్ కేజ్రీవాల్ స్పందించారు. ఈడి అవినీతికి వ్యతిరేకంగా పనిచేయడం లేదని, కేవలం ప్రభుత్వాలను కూల్చడానికి మాత్రమే పనిచేస్తుందని ఆరోపించారు. ఈడి చార్జిషీట్ ఒక కల్పితం అని అన్నారు.
