మహబూబాబాద్ జిల్లాలో ఆశ్రమ పాఠశాల విద్యార్థి అదృశ్యం అయ్యాడు. జిల్లాలోని కోమటిపల్లితండాకు చెందిన నరసింహ కుమారుడు చరణ్ సీతానగరం ఆశ్రమ పాఠశాలలో ఏడోతరగతి చదువుతున్నాడు.అయితే, సంక్రాంతి సెలవుల తర్వాత ఈ నెల 23న నరసింహ చరణ్‌ను పాఠశాల ఎదుట దింపి వెళ్లిపోయాడు.
చరణ్ సహ విద్యార్థి నరసింహకు ఫోన్ చేసి చరణ్ పాఠశాలకు ఎందుకు రాలేదని గురువారం అడిగినట్లు తెలిసింది.దీంతో ఆందోళనకు గురైన నరసింహ తన కొడుకు కనిపించడం లేదని పోలీస్‌‌స్టేషన్లో ఫిర్యాదు చేశాడు.విద్యార్థి గురించి సమాచారం తెలిసిన వారు నంబర్లకు ఫోన్ చేయాలని ఎస్ఐ సూచించారు. 8712656963, 8712656962, 9666574633 ఈ నెంబర్లకు కాల్ చేయాలని కోరారు.
