పరీక్ష పే చర్చ కార్యక్రమాన్ని పెద్ద ఎత్తున నిర్వహించేందుకు బిజెపి సన్నాహాలు చేస్తోంది. ప్రతి ఏడాది వార్షిక పరీక్షలకు ముందు పరీక్ష పే చర్చ పేరుతో విద్యార్థులతో ఇంటరాక్ట్ అవుతారు ప్రధాని మోడీ. ఈ సారి ఈ కార్యక్రమంలో విద్యార్థుల భాగస్వామ్యం పెంచే విధంగా బిజెపి ప్లాన్ చేస్తోంది. ఇప్పటికే ఈ కార్యక్రమం ను విద్యార్థుల్లో కి తీసుకెళ్లేందుకు వందలాది పాటశాలల్లో వివిధ రకాల పోటీలు నిర్వహిస్తోంది.
మోడీ రాసిన ఎగ్జామ్ వారియర్స్ పుస్తకాలను పంపిణీ చేస్తోంది. ఈ నెల 27 న ప్రధాని పరీక్ష పే చర్చ కార్యక్రమం నిర్వహించనున్నారు. ఈ నేపథ్యంలో తెలంగాణ వ్యాప్తంగా చాలా స్కూల్స్ లో విద్యార్థులు వీక్షించే విధంగా ఏర్పాట్లు చేస్తున్నారు బిజెపి శ్రేణులు. ఇప్పటికే ఈ ప్రోగ్రాంను సమన్వయం చేసుకునేందుకు కమిటీ వేసింది బిజెపి. రాష్ట్ర కార్యవర్గ సమావేశాల ఎజెండా లోనూ ఈ అంశాన్ని చేర్చింది. ఈ రోజు పలు పాటశాలల్లో జరిగిన కార్యక్రమాలు, బహుమతి ప్రదానోత్సవాల్లో పాల్గొన్నారు కిషన్ రెడీ, లక్ష్మన్, బిజెపి నేతలు. మోడీ పిలుపు మేరకు హెల్తీ బేబీ షో లు నిర్వహిస్తున్నారు బిజెపి నేతలు.
