దేశవ్యాప్తంగా సార్వత్రిక ఎన్నికల షెడ్యూల్ ఎన్నికల కమిషన్ విడుదల చేసిన సంగతి తెలిసిందే. ఇక తెలుగు రాష్ట్రాలలో మే 13న ఎన్నికలు జరగనున్నాయి.తెలంగాణ జెన్కో ఏఈ, కెమిస్ట్ ఉద్యోగ నియామకాల పరీక్ష వాయిదా పడింది. ఎన్నికల కోడ్ కారణంగా ఈనెల 31న జరగాల్సిన పరీక్షను జెన్కో వాయిదా వేసింది. ఎన్నికల కోడ్ ముగిసిన తర్వాత పరీక్ష తేదీని ప్రకటిస్తామని తెలిపింది.
కాగా, ఢిల్లీలోని విజ్ఞాన్‌ భవన్‌లో ఎలక్షన్ కమిషన్ ఆఫ్ ఇండియా పార్లమెంట్ ఎన్నికలతో పాటు ఐదు రాష్ట్రాల అసెంబ్లీ ఎన్నికల షెడ్యూల్‌ను విడుదల చేసింది. ఏప్రిల్ 19వ తేదీ నుంచి పోలింగ్ ప్రారంభమవుతుండగ,జూన్ 04న ఎన్నికల కౌంటింగ్ చేపట్టనున్నట్టు సీఈసీ రాజీవ్ కుమార్ వెల్లడించారు.
