కట్టుకున్న వాడే కామాంధుడిగా మారాడు. నూరేళ్లు తోడుగా ఉంటానని చెప్పిన వాడే తన స్నేహితులతో భార్యను చెరిచాడు. ఈ అమానవీయమైన ఘటన సభ్య సమాజం తలదించుకునేలా ఉంది. ఈ దారుణమైన సంఘటన బెంగాల్ లో జరిగింది. 
పూర్తి వివరాల్లోకి వెళితే… బెంగాల్ లో ఈ దారుణం చోటు చేసుకుంది. భార్యపై భర్తే తన ఇద్దరు స్నేహితులతో కలిసి అత్యాచారానికి పాల్పడ్డారు. ఈ ఘటన సదరు బాధితురాలి బంధువుల ఇంట్లోనే జరిగింది. బీహర్ కు చెందిన ఓ మహిళ వైద్యం కోసం కోల్ కతా వెళ్లింది. ఆ సమయంలో ఆమె భర్తతో కలిసి మరో ఇద్దరు స్నేహితులు మద్యం తీసుకుంటున్నారు. మత్తులో ఉన్న భర్త స్నేహితులు… భర్త ముందే మహిళతో అసభ్యంగా ప్రవర్తించారు. ఆమెపై బలవంతం చేశారు. అనంతరం అత్యాచారానికి పాల్పడ్డారు. ఈ ఘటన గురువారం జరిగింది. దీంతో బాధిత మహిళ పోలీసులకు ఫిర్యాదు చేసింది. మహిళను వైద్య పరీక్షల కోసం పంపారు. బాధితురాలి ఫిర్యాదు మేరకు ముగ్గురుపై కేసు నమోదు చేశారు పోలీసులు. దీనిపై దర్యాప్తు కొనసాగుతోందని తెలిపారు.
