రోజు రోజుకు మానవ సంబంధాలకు విలువ లేకుండా పోతోంది. డబ్బు కోసం, ఆస్తి కోసం, లైంగిక సంబంధాల కోసం ఆవేశంలో నిర్ణయాలు తీసుకుని జీవితాలను అంధకారమయం చేసుకుంటున్నారు. ఇలాంటి ఘటనే అన్నమయ్య జిల్లాలో చోటు చేసుకుంది. కోడలి త‌లన‌రికి చంపిన అత్త… ఆ త‌ర్వాత కోడలి తలను చేతిలో ప‌ట్టుకుని పోలీస్ స్టేషన్కు వెళ్లి లొంగిపోయింది. అంతేకాకుండా తన కోడ‌లిని తానే హ‌త్య చేశానంటూ పోలీసుల ఎదుట నిర్భ‌యంగా నేరాన్ని ఒప్పుకుంది. ఈ ఘటన పూర్తి వివ‌రాల్లోకెళితే… జిల్లాలోని రాయచోటి మండ‌లం కె.రామాపురంలో సుబ్బమ్మ నివ‌సిస్తోంది. కోడలు వ‌సుంధ‌ర (35)తో ఆమెకు గ‌త కొంత‌కాలంగా కుటుంబ క‌ల‌హాలు కొన‌సాగుతున్నాయి.
ఈ క్ర‌మంలో గురువారం ఆవేశంతో ఊగిపోయిన సుబ్బమ్మ… కోడలు వ‌సుంధ‌ర‌పై దాడికి దిగింది. క‌త్తి తీసుకుని వ‌సుంధ‌ర తల న‌రికేసింది. ఆ వెంటనే, తెగి ప‌డిన వ‌సుంధ‌ర తలను చేత బ‌ట్టుకుని పోలీస్ స్టేషన్కు వెళ్లింది. తన కోడ‌లిని తానే హ‌త్య చేశాన‌ని పోలీసుల‌కు చెప్పింది. కోడలి తలతో సుబ్బమ్మ అలా న‌డుచుకుంటూ వెళుతుంటే… జ‌నం భయంతో వణికిపోయారు. అయితే.. ఈ ఘటనకు సంబంధించిన వీడియో నెట్టింట్లో వైరల్‌గా మారింది.
అన్నమయ్య జిల్లా…
రాయచోటి లోని కొత్తపేట రామాపురానికి చెందిన సుబ్బమ్మ తన కోడలు వసుందర (35) తల నరికి తలను పట్టుకొని స్టేషన్ కు వచ్చిన వైనం..
నిర్వెర పోయిన పోలీసులు..
భయభ్రాంతులకు గురైన పట్టణ పోలీస్ స్టేషన్ సమీపంలోని ప్రజలు..
ఈ స్టేషన్ చరిత్రలో ఇటువంటి ఘటన జరగడం ఇదే ప్రదమం… pic.twitter.com/jEQiLfFHli— Veeru Bhai (@VeeruBh99248976) August 11, 2022
