ఎర్రబెల్లి దయాకర్ రావుకి మంత్రివర్గంలో కొనసాగే హక్కు లేదని అన్నారు ఎమ్మెల్సీ జీవన్ రెడ్డి. నేడు సర్పంచుల సమస్యలపై ధర్నా చౌక్ వద్ద కాంగ్రెస్ ధర్నా చేపట్టింది. ఈ కార్యక్రమంలో పాల్గొన్న ఎమ్మెల్సీ జీవన్ రెడ్డి మాట్లాడుతూ.. బిఆర్ఎస్ ప్రభుత్వం పై మండిపడ్డారు. రాష్ట్రంలో సర్పంచ్ ల హక్కులను కాలరాశారని ఆగ్రహం వ్యక్తం చేశారు.
కేంద్రం సర్పంచ్లకు ఇచ్చిన నిధులను రాష్ట్ర ప్రభుత్వం దారి మళ్ళి ఇస్తుందని.. సర్పంచ్ల హక్కులను కాలరాస్తుందన్నారు. కెసిఆర్ ఇచ్చిన ఏ ఒక్క హామీనైనా నెరవేర్చలేదని మండిపడ్డారు జీవన్ రెడ్డి. చెట్లు పెరగకపోతే సర్పంచులను సస్పెండ్ చేస్తున్నారని ఆగ్రహం వ్యక్తం చేశారు. గ్రామపంచాయతీ లో ఖాతాల్లో ఉన్న నిధులను ట్రెజరీకి చూపించి రాష్ట్ర ప్రభుత్వం రుణాలు పొందేందుకు ప్రయత్నిస్తుందని ఆరోపించారు.
