చాక్లేట్ ల గురించి చెప్తుంటేనే చాలా మందికి నోరూరిపోతుంది కదూ.. అది నిజమే.. వయస్సు తో సంబంధం లేకుండా ప్రతి ఒక్కరు వీటిని ఇష్టంగా తింటారు.. ఏదైనా స్పెషల్ డే వస్తే తియ్యని వేడుక చేసుకోవడానికి చాక్లేట్ ఉండాల్సిందే.. అయితే ఏదైనా తక్కువగా తింటే ఆరోగ్యానికి మంచిది.. అదే సమయం, సందర్భం లేకుండా ఒక టైమ్ లేకుండా తింటే మాత్రం ఎన్నో అనారోగ్య సమస్యలు వచ్చే అవకాశం ఉందని ఆరోగ్య నిపుణులు అంటున్నారు.. ముఖ్యంగా ఖాళీ కడుపునా వీటిని తింటే షుగర్ లెవల్స్ పెరిగే అవకాశాలు ఉన్నాయని అంటున్నారు.. పరగడుపున చాక్లేట్ తింటే ఏమౌతుందో ఇప్పుడు వివరంగా తెలుసుకుందాం..
అయితే,చాక్లెట్ వల్ల శరీరానికి ఎన్ని ప్రయోజనాలు ఉన్నాయో, అది కొన్ని శారీరక సమస్యలకు కూడా దారి తీస్తుంది. ఉదయం పూట ఖాళీ కడుపుతో చాక్లెట్ తింటే శరీరంలో షుగర్ లెవెల్ పెరుగుతుంది. పాలు- చక్కెర ఉత్పత్తులతో పాటు, రుచి కోసం కొన్ని రసాయనాలు చాక్లెట్‌లో కలుపుతారు, ఇది జీర్ణ రుగ్మతలను కలిగిస్తుంది. ఖాళీ కడుపుతో చాక్లెట్ తినడం వల్ల కడుపునొప్పి, వికారం వస్తుంది.
కొంతమందికి చాక్లెట్‌లోని డైరీ, నట్స్, సోయా వంటివాటితో అలెర్జీ ఉండవచ్చు. అలాంటప్పుడు, ఎక్కువ చాక్లెట్ తినడం వల్ల అలెర్జీ ప్రతిచర్యకు కారణమవుతుంది. దద్దుర్లు, దురద, వాపు, శ్వాస తీసుకోవడంలో ఇబ్బంది వంటి లక్షణాలు వస్తాయి. చాక్లెట్ ఒక రుచికరమైన ట్రీట్ అయితే దానిని మితంగా తీసుకోవడం చాలా ముఖ్యం. అతిగా చాక్లెట్ తినడం వల్ల జీర్ణ సమస్యలు, షుగర్ ఓవర్‌లోడ్, కెఫిన్ అధిక మోతాదు, బరువు పెరగడం, అలెర్జీ ప్రతిచర్యలతో సహా అనేక రకాల దుష్ప్రభావాలకు దారితీయవచ్చు. చాక్లెట్లు ఎక్కువగా తినడం వల్ల ఊబకాయం, హృద్రోగ సమస్యలు వస్తాయి. ఉదయం పూట ఖాళీ కడుపుతో గోరువెచ్చని మంచినీళ్లు తాగిన పావు గంట తర్వాత ఏదైనా తినడం మంచిది..జాగ్రత్త సుమీ.. రుచిగా ఉందని తిన్నారో మీ పని గోవిందానే..
