సిద్దిపేటలో రెండు వర్గాల మధ్య చిచ్చు పెట్టిన ప్రభుత్వ భూమి

సిద్దిపేట జిల్లాలో రెండు వర్గాల మధ్య ఖాళీగా ఉన్న ప్రభుత్వ భూమి చిచ్చు పెట్టింది. దీంతో అది కాస్త (హిందు-ముస్లిం) వర్గాల మధ్య పెద్ద గొడవకు దారి తీసింది. సమాచారం అందుకున్న పోలీసులు వెంటనే అక్కడకు చేరుకుని పరిస్థితిని చక్కదిద్దే ప్రయత్నం చేస్తున్నారు.

ఇదిలాఉండగా, సిద్దిపేట జిల్లాలోని మర్కుక్ మండలం బహిలింపూర్‌లోని ఖాళీగా ఉన్న ప్రభుత్వ భూమిలో దేవాలయం కడుతామని ఓ వర్గం నిర్ణయించింది. అయితే, కాదు అక్కడే సమాధి నిర్మిస్తామని మరో వర్గం వాదనకు దిగింది. దీంతో ఇరు వర్గాల మధ్య గొడవ నెలకొనడంతో స్థానికంగా తీవ్ర ఉద్రిక్తత చెలరేగింది.ఘటన స్థలానికి చేరుకున్న పోలీసులు ఇరువర్గాలకు సర్దిచెప్పే ప్రయత్నం చేస్తున్నారు.