ప్రస్తుతం ప్రపంచ వ్యాప్తంగా మహిళలకు రక్షణ లేకుండా పోయింది. ప్రపంచంలోని ఏ దేశంలో నైనా ఇదే తంతు కొనసాగుతోంది. మహిళల రక్షణ కొరకు ఎన్ని చట్టాలను తీసుకున్నప్పటికీ ఆ దుర్మార్గుల వద్ద ఆ చట్టాలు పని చేయడం లేదు. ఏదో ఒక విధంగా మహిళ మాత్రం బలి అవుతూనే ఉంది. వివరాల్లోకి వెళ్లితే.. కెన్యాలోని నైరూబీలో రెండేళ్ల నుంచి మహిళలను అత్యంత దారుణంగా హత్య చేసి చెత్త కుప్పలో పారేసిన కేసులో నిందితుడు దొరికాడు.
ఈ కేసులో 33 ఏళ్ల కొల్లిన్స్‌ జమైసీ కాలుషాను ఇటీవలే పోలీసులు అరెస్టు చేశారు. దర్యాప్తులో తాను 42 మందిని హత్య చేసినట్లు అతడు అంగీకరించాడని అధికారులు తెలిపారు. ఈ ప్రదేశానికి 100 మీటర్ల దూరంలోనే శిథిలమైన గదిలో నిందితుడు కాలుషా అద్దెకు ఉండే ఇంటిని తనిఖీ చేయగా.. భారీ ఎత్తున టేపు, నైలాన్‌ సంచులు, పరిశ్రమల్లో వాడే రబ్బర్‌ గ్లౌజులు కనిపించాయి. మృతదేహాలను పారేసే క్రమంలో వీటిని వినియోగించినట్లు గుర్తించారు పోలీసులు.
