నేను చెప్పింది నిజమని నమ్మితేనే… వచ్చే ఎన్నికల్లో ఓటు వేయండి అని ఆంధ్రప్రదేశ్ రాష్ట్ర ముఖ్యమంత్రి వైఎస్ జగన్ మోహన్ రెడ్డి సంచలనం వ్యాఖ్యలు చేశారు. ఇవాళ చివరి రోజు అయిన వైసీపీ ప్లీనరీ సమావేశంలో సీఎం జగన్ మాట్లాడుతూ… గతంలో ఎన్నికల తర్వాత టీడీపీ మేనిఫెస్టో కనిపించకుండా చేశారు.. కానీ తాము పాదయాత్రలో ఇచ్చిన ప్రతి మాటను నిలబెట్టుకున్నాం.. జగన్ చెప్పింది నిజమని నమ్మితేనే వచ్చే ఎన్నికల్లో ఓటేయండన్నారు సీఎం జగన్.
టీడీపీ హయాంలో సెల్‌ఫోన్ లైట్లతో ఆపరేషన్‌లు చేసిన ఘటనలు చూశాం.. ప్రభుత్వాస్పత్రుల్లో ఎలుకలు కొరికిన ఘటనలు చూశామని తెలిపారు. తాము నాడు-నేడు ద్వారా ప్రభుత్వాస్పత్రుల రూపురేఖలు మార్చామనీ ప్లీనరీలో వైఎస్ జగన్ ప్రసంగించారు. అలాగే చంద్రబాబు డిజిటల్‌ రింగ్‌పై సీఎం జగన్ సెటైర్లు వేశారు. చిప్‌ వేళ్లకి, కాళ్లకి ఉంటే సరిపోదు, మెదడులో ఉండాలన్నారు వైఎస్ జగన్. ఎన్నికల్లో ఇచ్చిన హామీలన్నిటిని 90 శాతం అమలు చేశామని గుర్తు చేశారు.
