వైసిపి ప్లీనరీ సమావేశంలో ఆంధ్రప్రదేశ్ రాష్ట్ర ముఖ్యమంత్రి వైయస్ జగన్మోహన్ రెడ్డి సంచలన వ్యాఖ్యలు చేశారు. 2024 అసెంబ్లీ ఎన్నికలలో తెలుగుదేశం పార్టీకి డిపాజిట్లు కూడా దక్కవని పేర్కొన్నారు. అదే సమయంలో వైసీపీ పార్టీ 175 సీట్లకు 175 సీట్లు గెలుస్తుందని ధీమా వ్యక్తం చేశారు సీఎం జగన్. మొరిగినంత మాత్రాన గ్రామ సింహాలు సింహాలు కాలేవని సెటైర్లు పేల్చారు సీఎం జగన్.
నేను చెప్పింది నిజమని నమ్మితేనే… వచ్చే ఎన్నికల్లో ఓటు వేయండి అని ఆంధ్రప్రదేశ్ రాష్ట్ర ముఖ్యమంత్రి వైఎస్ జగన్ మోహన్ రెడ్డి సంచలనం వ్యాఖ్యలు చేశారు. గతంలో ఎన్నికల తర్వాత టీడీపీ మేనిఫెస్టో కనిపించకుండా చేశారు.. కానీ తాము పాదయాత్రలో ఇచ్చిన ప్రతి మాటను నిలబెట్టుకున్నాం.. జగన్ చెప్పింది నిజమని నమ్మితేనే వచ్చే ఎన్నికల్లో ఓటేయండన్నారు సీఎం జగన్.
టీడీపీ హయాంలో సెల్‌ఫోన్ లైట్లతో ఆపరేషన్‌లు చేసిన ఘటనలు చూశాం.. ప్రభుత్వాస్పత్రుల్లో ఎలుకలు కొరికిన ఘటనలు చూశామని తెలిపారు. తాము నాడు-నేడు ద్వారా ప్రభుత్వాస్పత్రుల రూపురేఖలు మార్చామనీ ప్లీనరీలో వైఎస్ జగన్ ప్రసంగించారు. అలాగే చంద్రబాబు డిజిటల్‌ రింగ్‌పై సీఎం జగన్ సెటైర్లు వేశారు. చిప్‌ వేళ్లకి, కాళ్లకి ఉంటే సరిపోదు, మెదడులో ఉండాలన్నారు వైఎస్ జగన్.
