హైదరాబాద్ నగరంలో హెచ్ఐసీసీ వేదికగా జరుగుతున్న బీజేపీ జాతీయ కార్యవర్గ సమావేశానికి నటి, బీజేపీ నేత ఖుష్భు హాజరయ్యారు. ఈ సందర్భంగా ఖుష్బు మాట్లాడుతూ.. హైదరాబాదులో ఎక్కడ చూసినా ప్రధానికి వ్యతిరేకంగా బ్యానర్లు, హోర్డింగ్స్ పెట్టారని.. అవన్నీ చూస్తుంటే టిఆర్ఎస్ పార్టీ భయపడుతున్నట్లు తెలుస్తోంది అన్నారు. మూడోసారి కూడా ప్రధాని మోదీ కి స్వాగతం పలికేందుకు కేసీఆర్ వెళ్ళలేదంటే కెసిఆర్ ఆలోచనా విధానం ఎలా ఉందనే విషయం ప్రజలకు స్పష్టంగా తెలుస్తుంది అన్నారు.
వచ్చే ఎన్నికల్లో తెలంగాణలో బీజేపీ అధికారంలోకి రావడం ఖాయమన్నారు ఖుష్బు. దేశాన్ని, దేశ ప్రజల జీవన ప్రమాణాలు మెరుగు పరిచేందుకు బిజెపి ఎన్నో సంక్షేమ పథకాలు అమలు చేస్తోందని చెప్పుకొచ్చారు. దేశంలో ఎక్కడా వారసత్వ పాలన ఉండకూడదన్నారు. బీజేపీ విషయంలో ప్రజలు సంతోషంగా లేకపోతే 2019 ఎన్నికల్లో ప్రజలు గెలిపించేవారు కాదన్నారు. దక్షిణాది రాష్ట్రాల్లో కూడా బిజెపి అధికారంలోకి వచ్చి తీరుతుందని ధీమా వ్యక్తం చేశారు ఖుష్బు.
