సూపర్ స్టార్ మహేష్ పుట్టినరోజుని పురస్కరించుకుని సర్కారు వారి పాట సినిమా నుండి బర్త్ డే టీజర్ ని వదిలింది చిత్రబృందం. నిజానికి ఈరోజు ఉదయం రావాల్సిన అప్డేట్ 8గంటల ముందుగానే రిలీజ్ అయ్యింది. ఇక టీజర్ గురించి మాట్లాడుకుంటే, నిమిషం పాటు ఉన్న ఈ వీడియోలో కొత్త మహేష్ బాబు కనిపించాడు. కొత్త లుక్ లో మరింత యంగ్ గా కనిపించాడు. విలన్ తో ఫైట్ అయితేనేమీ, కీర్తి సురేష్ తో కెమిస్ట్రీ అయితేనేమీ, ఆద్యంతం కొత్తదనాన్ని మహేష్ చూపించాడు.
వయసు పెరుగుతున్న కొద్దీ మరింత యంగ్ అవుతున్నట్లుగా మహేష్ కనిపించాడు. ఇప్పటి వరకు తీసిన సినిమాల్లో కనిపించిన మహేష్ కి , ఈ సినిమాలో కనిపించే మహేష్ కి చాలా తేడా ఉన్నట్లు టీజర్ చూపిస్తుంది. మొత్తానికి మహేష్ అభిమానులకి పండగలాంటి అప్డేట్ వచ్చింది. పరశురామ్ దర్శకత్వం వహిస్తున్న ఈ సినిమా బ్యాంకు మోసాల నేపథ్యంలో తెరకెక్కుతుంది. మైత్రీ మూవీ మేకర్స్ బ్యానర్లో రూపొందుతున్న ఈ చిత్రానికి థమన్ సంగీతం అందిస్తున్నారు.
