అండ్ ద విన్న‌ర్ ఈజ్ : సంబరాల సంక్రాంతిలో సోగ్గాడే విజేతనా?

పండుగ సంతోషాల‌ను రెట్టింపు చేసే సినిమా.పండుగ లాంటి సినిమా బంగార్రాజు అంటూ సంద‌డి చేస్తున్నారు అక్కినేని న‌ట వార‌సులు.అచ్చ‌తెలుగు సంప్ర‌దాయాల‌కు ప్రాధాన్యం ఇస్తూ,ఒక చిన్న స‌స్పెన్స్ పాయింట్ ఎంట‌ర్టైన్మెంట్ వే లో చూపిస్తూ తెర‌కెక్కిన సినిమా ఇది..మాస్ ఎంట‌ర్ టైన‌ర్ ద‌స‌రా బుల్లోడు విడుద‌ల‌యి యాభై ఏళ్లు పూర్త‌యిన సంద‌ర్భంగా వ‌స్తున్న సినిమా ఇది. సోగ్గాడే సంక్రాంతి విజేత అని క‌ళ్లింత‌లు చేసుకుని చెబుతున్నాడు నాగ్.. అంత కాన్ఫిడెన్స్ తో ఉన్నాడు ఈ సినిమా విష‌య‌మై..డైరెక్ట‌ర్ కూడా అంతే కాన్ఫిడెన్స్ తో ఉన్నాడు.గ‌తంలో త‌న‌కు క‌లిసివచ్చిన సీజ‌న్ లోనే బంగార్రాజు సంద‌డి చేయ‌నున్నాడు.అభిమానుల‌తో ఈల కొట్టించి గోల చేయించ‌నున్నాడు. ల‌డ్డుండ‌లు తినిపించ‌నున్నాడు.. ఈ సంక్రాంతికి..

ముగ్గుల పెట్టే లోగిళ్ల చెంత సోగ్గాడు వ‌స్తున్నాడు..బంగార్రాజు వ‌స్తున్నాడు…సంతోషాలు పంచ‌నున్నాడు ఈ పండుగ వేళ‌ల్లో! అన్న‌పూర్ణ స్టూడియోస్,జీ స్టూడియో సంయుక్త నిర్మాణంలో రూపొందిన బంగార్రాజు సినిమా విడుద‌ల‌కు ముస్తాబ‌వుతోంది. ఇప్ప‌టికే ట్రైల‌ర్ మంచి టాక్ తెచ్చుకుంది.పాటలు అన్నీ బాక్సాఫీసుకు బొనాంజాలా ఉన్నాయి.అనూప్ స్వ‌ర‌ప‌రిచిన ప్ర‌తి పాట
అక్కినేని అభిమానుల‌నూ,సినీ ప్రేమికుల‌నూ హుషారెత్తిస్తున్నాయి.ఈ క్ర‌మంలో సినిమా విడుద‌ల వేళ మరికొన్ని విశేషాలు..

క‌ల్యాణ్ కృష్ణ కుర‌సాల ద‌ర్శ‌క‌త్వంలో గ‌తంలో సోగ్గాడే చిన్నినాయ‌న సినిమా విడుద‌లై మంచి విజయాన్ని న‌మోదు చేసిన సంగ‌తి తెలిసిందే! సంక్రాంతి సంద‌ళ్ల మ‌ధ్య కాసుల గ‌ల‌గ‌ల‌లు వినిపించింది.క‌లెక్ష‌న్ల సునామీ సృష్టించింది.ప‌ల్లె నేప‌థ్యంలో సున్నిత‌మ‌యిన‌, అంద‌మ‌యిన భావోద్వేగాలు మిళితం అయిన ఆ క‌థ‌కు కొన‌సాగింపుగా ఎప్ప‌టి నుంచో అనుకుంటున్న బంగార్రాజు థియేట‌ర్ల ద‌గ్గ‌ర సంద‌డి చేయ‌నుంది. అక్కినేని నాగార్జున, ర‌మ్య‌కృష్ణ జోడీ ఓ వైపు, కృతిశెట్టి,నాగ‌చైత‌న్య జోడీ మ‌రో వైపు ప్రేక్ష‌కుల‌ను అల‌రించ‌నున్నారు. కృతి శెట్టి స‌ర్పంచ్ గా ఆద్యంతం న‌వ్వులు అందించ‌నున్నారు.ఈ సినిమాతో ఆమె హ్యాట్రిక్ విజ‌యాలు అందుకోనున్నారు. అంత‌టి ధీమా ఆమెలోనూ చిత్ర యూనిట్ లోనూ ఉంది.

ఇక థియేట‌ర్ల‌కు యాభై శాతం ఆక్యుపెన్సీ ఉండ‌డంతో సినిమా వ‌సూళ్లు ఎలా ఉంటాయో అన్న టెన్ష‌న్ త‌ప్ప మ‌రొక‌టి అయితే నాగ్ లో లేదు. ఈ సినిమా అనేకాదు ప్ర‌తి సినిమాపైనా ఈ ప్ర‌భావం ఉండ‌నుంది. బంగార్రాజుతో పాటు దిల్ రాజు రౌడీ బాయ్స్ రానుంది. ఇదే స‌మ‌యంలో గ‌ల్లా జ‌యదేవ్ (టీడీపీ ఎంపీ) కొడుకు గ‌ల్లా అశోక్ న‌టించిన హీరో ప్రేక్ష‌కుల ముందుకు రానున్నాయి.వీటిలో ఏది సంక్రాంతి బ‌రిలో రారాజుగా నిల‌వ‌నుందో వేచి చూడాలిక.