గత రెండు రోజులుగా బెంగుళూరు లో జరిగిన INDIA కూటమి పార్టీల మీటింగ్ ముగిసింది. ఇందులో కీలకమైం అంశాలపై ముఖ్య నేతలు చర్చించడం జరిగింది. ఈ సందర్భంగా విపక్షాల కూటమికి INDIA పేరు పెట్టారు.
అయితే.. ఈ నేపథ్యంలోనే.. అసోం సీఎం హిమంత బిశ్వశర్మ తన ట్విటర్ బయోలో INDIA అని తొలగించి, BHARAT అని యాడ్ చేశారు. ప్రతిపక్ష కూటమి INDIA అని పేరు పెట్టిన తర్వాత శర్మ ఈ నిర్ణయం తీసుకున్నారు. ‘బ్రిటీషర్లు మన దేశానికి ఇండియా అని పేరు పెట్టారు. బ్రిటిష్ వారసత్వం నుంచి విముక్తి పొందాలి. పూర్వీకులు భారత్ కోసం పని చేశారు. మనం కూడా భారత్ కోసం వర్క్ చేయాలి’ అని పిలుపునిచ్చారు.
